କୋଲକତା,୧୮।୨: କଲିକତା ହାଇକୋର୍ଟ ଏକ ଗୁରୁତ୍ତ୍ୱପୂର୍ଣ୍ଣ ରାୟ ଶୁଣାଇଛନ୍ତି। ଏକ ମାମଲାରେ ଗର୍ଭାବସ୍ଥାର ୩୫ ସପ୍ତାହ ଚାଲିଥିବାବେଳେ ମହିଳାଙ୍କୁ ଗର୍ଭପାତ କରିବାକୁ ଅନୁମତି ମିଳିଛି। ଏକ ମେଡିକାଲ ବୋର୍ଡ ଗର୍ଭସ୍ଥ ଶିଶୁର ତ୍ରୁଟି ଚିହ୍ନଟ କରିଥିଲା, ଯାହା ଆଧାରରେ କୋର୍ଟ ଏହି ଅନୁମତି ପ୍ରଦାନ କରିଥିଲେ। କୋର୍ଟ କହିଛନ୍ତି, ରାଜ୍ୟ ସରକାରଙ୍କ ଦ୍ୱାରା ପରିଚାଳିତ ଏସଏସକେ ହସ୍ପିଟାଲର ନଅ ସଦସ୍ୟ ବିଶିଷ୍ଟ ମେଡିକାଲ ବୋର୍ଡର ରିପୋର୍ଟରେ ଏହା ସ୍ପଷ୍ଟ ହୋଇଛି ଯେ ମହିଳାଙ୍କ ଗର୍ଭଧାରଣରୁ ଜନ୍ମ ହେବାକୁଥିବା ଶିଶୁର ସାମାନ୍ୟ ଜୀବନ ବଞ୍ଚିବାର ସମ୍ଭାବନା ବହୁତ କମ। କୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ
ଜଷ୍ଟିସ ରାଜାଶେଖର ମନ୍ଥା କହିଛନ୍ତି, ଏହି ରିପୋର୍ଟରେ ମା’ ତଥା ଶିଶୁଙ୍କ ପ୍ରତି ବିପଦ ଥିବା ଦର୍ଶାଯାଇଛି। ତଥ୍ୟ ଏବଂ ପରିସ୍ଥିତିର ସମ୍ପୂର୍ଣ୍ଣ ଧ୍ୟାନକୁ ଦୃଷ୍ଟିରେ ରଖି କୋର୍ଟ ଆବେଦନକାରୀଙ୍କୁ ଏକ ପ୍ରାଧିକୃତ ଡାକ୍ତରଖାନାକୁ ପଠାଇବେ। ଅଭିଜ୍ଞ ଡାକ୍ତରଙ୍କ ମେଡିକାଲରେ ଗର୍ଭପାତର ସମସ୍ତ ପ୍ରକ୍ରିୟା ସମାପ୍ତ କରାଯିବ।
ହାଇକୋର୍ଟ ଏହା ମଧ୍ୟ ଉଲ୍ଲେଖ କରିଛନ୍ତି ଯେ, ୯ ଜଣିଆ ବରିଷ୍ଠ ଡାକ୍ତରଙ୍କ ଟିମ କହିଛି ଯେ ଡାକ୍ତରଙ୍କ ହସ୍ତକ୍ଷେପ ଦ୍ୱାରା ଶିଶୁଟି ଜନ୍ମ ହୋଇଥିଲେ ମଧ୍ୟ ଗମ୍ଭୀର କ୍ଷତି ଏବଂ ଦୀର୍ଘକାଳୀନ ରୋଗ ହେବାର ସମ୍ଭାବନା ଅଛି। ଏହି ଅବସ୍ଥା ହେତୁ ମହିଳା ଏବଂ ତାଙ୍କ ସ୍ବାମୀ ଗର୍ଭପାତ କରିବାକୁ ଚାହୁଁଛନ୍ତି। ଏନେଇ ୩୬ ବର୍ଷୀୟା ମହିଳା କୋର୍ଟରେ ଆବେଦନ କରିଥିଲେ।