ଆମେରିକାର କାର୍ର୍ଲିଫର୍ନିଆ ସହରରେ ଏକ ଅଜବ ଘଟଣା ଘଟିଛି। ଗର୍ଲଫ୍ରେଣ୍ଡ ଅଧିକ ମୋଟା ହୋଇଥିବାରୁ ବୟଫ୍ରେଣ୍ଡ ତାଙ୍କ ହାତ ଛାଡି ଦେଇଥିଲେ। ଏହା ଜାଣିବା ପରେ ଗର୍ଲଫ୍ରେଣ୍ଡ ପ୍ରତିଶୋଧ ନେବା ଲକ୍ଷ୍ୟରେ ୯୦ କେଜି ଓଜନ କମାଇଛନ୍ତି। କାର୍ଲିଫର୍ନିଆ ସହରରେ ରହୁଥିବା ସମାନ୍ଥା ରାଲି ଜଣେ ଯୁବକଙ୍କୁ ୨ ବର୍ଷ ଧରି ପ୍ରେମ କରୁଥିଲେ। କିନ୍ତୁ ଯୁବକ ଜଣଙ୍କ ସମାନ୍ଥାଙ୍କ ମୋଟାପଣ ଦେଖି ପରିବାର ଲୋକଙ୍କ ସହ ତାଙ୍କର ଭେଟ କରାଇ ଦେଉ ନ ଥିଲେ। କିଛି ଦିନ ପରେ ସେ ସମାନ୍ଥାଙ୍କୁ ଛାଡି ପଳାଇଥିଲେ। ଏହା ଜାଣିବା ପରେ ଭାଙ୍ଗି ପଡିଥିଲେ ସମାନ୍ଥା। କିଛି ଦିନ ଚିନ୍ତାରେ ରହିବା ପରେ ସେ ନିଜ ସଜନ କମାଇବା ପାଇଁ ଚେଷ୍ଟା କଲେ। ଏଥିରେ ସେ ସଫଳ ମଧ୍ୟ ରହିଲେ। ସମାନ୍ଥାଙ୍କ ବୟସ ୩୦ ବର୍ଷ। ବୟଫ୍ରେଣ୍ଡ ହାତ ଛାଡିବାବେଳେ ତାଙ୍କ ଓଜନ ୧୬୫ କେଜି ଥିଲା। ଏବେ ତାଙ୍କ ଓଜନ ୭୫ କେଜି ରହିଛି। ଏହା ଭିତରେ ସେ ୯୦ କେଜି ଓଜନ କମାଇ ସାରିଲେଣି। ଏଥିପାଇଁ ତାଙ୍କୁ ଅନେକ କଷ୍ଟ କରିବାକୁ ପଡିଛି। ଡାଏଟିଂ କରିବା ସହ ପାରମ୍ପରିକ ପଦ୍ଧତି ଆପଣାଇ ସେ ଓଜନ କମାଇଛନ୍ତି। ଓଜନ କମାଇବା ପରେ ସେ ନିଜକୁ ଦୃଢ ମନେ କରୁଛନ୍ତି। ଶରୀରକୁ ଫିଟ୍ ରଖିବା ନିହାତି ଆବଶ୍ୟକ। ଆଗକୁ ନିଜ ଫିଟ୍ନେସ୍ ଉପରେ ଧ୍ୟାନ ଦେବି ବୋଲି ସମାନ୍ଥା କହିଛନ୍ତି। ମୋଟା ଯୋଗୁ ଅତୀତରେ କେବଳ ଗୋଟିଏ ନୁହେଁ, ଅନେକ ବୟଫ୍ରେଣ୍ଡ୍ଙ୍କୁ ହାତଛଡା କରିଚନ୍ତି ଆଗକୁ ଆଉ ନୁହେଁ ବୋଲି ସେ ବିଶ୍ୱାସର ସହ କହିଛନ୍ତି।