ଓ୍ବାଶିଂଟନ,୧୮।୪: ଆମେରିକାର କାଲିଫର୍ନିଆରେ ଥିବା ସୌକ୍ରାମେଂଟୋ ସ୍ଥିତ ଏକ ଗୁରୁଦ୍ୱାରରେ ଗତ ମାସରେ ହୋଇଥିବା ଗୁଳିକାଣ୍ଡ ଘଟଣାରେ ପୋଲିସ ବଡ ଧରଣର ଚଢାଉ କରିଛି। କୁହାଯାଉଛି କି ଏହି ଘଟଣାକୁ ନେଇ ପ୍ରାୟ ୨୦ଟି ସ୍ଥାନରେ ଚଢାଉ କରାଯାଇଛି। ଏହାସହ ୧୭ ଜଣଙ୍କୁ ଗିରଫ କରାଯାଇଛି। ପୋଲିସ ଚଢାଉ ସମୟରେ ଏକେ ୪୭, ମେଶିନ ଗନ ଓ କିଛି ହ୍ୟାଣ୍ଡଗନ୍ସ ଜବତ କରିଛି।
କୁହାଯାଉଛି କି ଯେଉଁମାନଙ୍କୁ ଗିରଫ କରାଯାଇଛି ସେମାନଙ୍କ ମଧ୍ୟରେ ଅଧିକାଂଶ ହେଉଛନ୍ତି ଶିଖ ସମ୍ପ୍ରଦାୟର। ଗୁରୁଦ୍ୱାରରେ ହୋଇଥିବା ଗୁଳିକାଣ୍ଡ ଘଟଣାରେ ପୋଲିସ ଏମାନଙ୍କୁ ଧରିବା ପାଇଁ ବଡ ଧରଣର ଅପରେଶନରେ ସଫଳ ହୋଇଛି। କାଲିଫର୍ନିଆର ଆଟର୍ନି ଜେନରାଲ ରଁବ ବୋଂଟା, ୟୁବା ସହରର ପୋଲିସ ମୁଖ୍ୟ ବ୍ରାୟନ ବେକର, ସଟର କାଉଣ୍ଟି ଜିଲାର ଆଟର୍ନି ଜେନେଫର ଡୁପ୍ରି ଏକ ପ୍ରେସ କନଫରେନ୍ସରେ ଏହି ସୂଚନା ଦେଇଛନ୍ତି। ସେ କହିଛନ୍ତି ଯେ ଯେଉଁ ୨୦ ଜଣଙ୍କୁ ଗିରଫ କରାଯାଇଛି, ଏମାନଙ୍କ ମଧ୍ୟରୁ ୨ ଜଣଙ୍କର ମାଫିଆ ସହ ଜଡିତ ଅପରାଧ ରହିଛି ଓ ଭାରତରେ ହତ୍ୟା ମାମଲରେ ଓ୍ବାଣ୍ଟେଡ ରହିଛନ୍ତି।