ଓ୍ବାଶିଂଟନ,୧୫ା୧: ବର୍ଷା, ତୁଷାରପାତ ଏବଂ ପ୍ରବଳ ଝଡ଼ତୋଫାନରେ ଆମେରିକାର କାଲିଫର୍ନିଆର ଅବସ୍ଥା ବେହାଲ ହୋଇଛି। ସପ୍ତାହ ଶେଷ ସୁଦ୍ଧା କାଲିଫର୍ନିଆରେ ପୁଣି ପ୍ରବଳ ବର୍ଷା ଏବଂ ତୁଷାରପାତ ହେବାର ପୂର୍ବାନୁମାନ କରାଯାଇଛି। ତେବେ ଆସନ୍ତା ସପ୍ତାହରେ ରାଜ୍ୟରେ କେବଳ ବର୍ଷା ଯୋଗୁ ଲୋକମାନେ କିଛି ମାତ୍ରାରେ ଆରାମ ପାଇବେ ବୋଲି ପାଣିପାଗ ବିଭାଗ କହିଛି।
ଡିସେମ୍ବର୨୬ରୁ, କାଲିଫର୍ନିଆରେ ଲଗାତର ବର୍ଷା ଯେପରି କାଣ୍ଡ ରଚିଛି ତାହା ଏଭଳି କେବେ ଦେଖିବାକୁ ମିଳି ନ ଥିଲା। ଏହି କାରଣରୁ ଅତି କମ୍ରେ ୧୯ ଜଣଙ୍କର ମୃତ୍ୟୁ ଘଟିଛି। ଏଥି ସହିତ ବନ୍ୟା, ଭୂସ୍ଖଳନ, ବିଦ୍ୟୁତ କାଟ୍ ଏବଂ ରାସ୍ତା ବନ୍ଦ ଭଳି ସମସ୍ୟାର ସମ୍ମୁଖୀନ ହୋଇଛନ୍ତି ଲୋକେ। ଏପରିକି ୨୩୦୦୦ ଘରକୁ ବିଦ୍ୟୁତ ସଂଯୋଗ ନାହିଁ। ଫଳରେ ଲୋକେ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି।