ରାଞ୍ଚି,୨୯।୧୦: ଆଉ ମାତ୍ର କିଛି ଦିନ ପରେ ଝାଡ଼ଖଣ୍ଡ ନିର୍ବାଚନ। ଏଥିପାଇଁ ସବୁ ଦଳ ପକ୍ଷରୁ ପ୍ରଚାର ଜୋରଦାର କରାଯାଉଛି। ଝାଡ଼ଖଣ୍ଡରେ ଜେଏମଏମ ନେତୃତ୍ୱାଧୀନ ଶାସକ ଭାରତୀୟ ଜନତା ପାର୍ଟି ଏବଂ ଭାଜପା ନେତୃତ୍ୱାଧୀନ ବିରୋଧୀ ଏନଡିଏ ମଧ୍ୟରେ କଡ଼ା ପ୍ରତିଦ୍ୱନ୍ଦ୍ୱିତା ହେବାର ସମ୍ଭାବନା ରହିଛି। ଅନେକ ଆସନରେ ଦମ୍ଦାର ଲଢେଇ ହେବାର ଆଶଙ୍କା ରହିଛି। ନଭେମ୍ବର ୧୩ ଏବଂ ୨୦ରେ ରାଜ୍ୟରେ ୮୧ଟି ବିଧାନସଭା ଆସନ ପାଇଁ ମତଦାନ ହେବ।
ତେବେ ଝାଡଖଣ୍ଡ ନିର୍ବାଚନ ପାଇଁ ଭାଜପା ଓଡ଼ିଶା ନେତାଙ୍କୁ ଗୁରୁଦାୟିତ୍ୱ ଦେଇଛି। ନିର୍ବାଚନ ପରିଚାଳନା ପାଇଁ ଭାଜପା କର୍ମକର୍ତ୍ତାମାନେ ଓଡ଼ିଶାରୁ ଯିବେ। ନିର୍ବାଚନରେ ପ୍ରଚାର କରିବା ସହ ନିର୍ବାଚନରେ ଝାଡଖଣ୍ଡ ଭାଜପାକୁ ସହଯୋଗ କରିବେ। ରାଜ୍ୟ ଭାଜପା ସଭାପତି ମନମୋହନ ସାମଲ ଏନେଇ ସୂଚନା ଦେଇଛନ୍ତି।
