![](https://www.dharitri.com/wp-content/uploads/2021/08/44-6.jpg)
ଭୁବନେଶ୍ୱର,୧୨।୮(ବ୍ୟୁରୋ): କଣ୍ଠଶିଳ୍ପୀ ଶକ୍ତ ମିଶ୍ରଙ୍କ ଆରୋଗ୍ୟ ପାଇଁ ସହଯୋଗର ହାତ ବଢାଇଛି ସଂଗୀତ ଅନୁଷ୍ଠାନ ଗୋଲ୍ଡେନ୍ ଗୀତ ଗଜଲ ଟ୍ରଷ୍ଟ ଓ ମ୍ୟୁଜିକ୍ ସିଜଲର୍ସ। ଏହି ଦୁଇ ଅନୁଷ୍ଠାନ ପକ୍ଷରୁ ଏକ ସଙ୍ଗୀତ ଭିତ୍ତିକ କାର୍ଯ୍ୟକ୍ରମ ଭର୍ଚୁଆଲ ମାଧ୍ୟମରେ ଅନୁଷ୍ଠିତ ହୋଇଯାଇଛି। କଣ୍ଠଶିଳ୍ପୀ ଶକ୍ତିଙ୍କ ଆରୋଗ୍ୟ କାମନା କରି ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା।
ଅଗଣିତ ଦର୍ଶକ କାର୍ଯ୍ୟକ୍ରମକୁ ଉପଭୋଗ କରିବା ସହ ଅଧିକାଂଶ ଦର୍ଶକ ଶକ୍ତିଙ୍କ ଆରୋଗ୍ୟ କାମନା କରି କିଛି କିଛି ଅର୍ଥରାଶି ପ୍ରଦାନ କରିଥିଲେ। କଳାକାରଙ୍କ ସାହାଯ୍ୟରେ ମିଳିଥିବା ସମସ୍ତ ଅର୍ଥରାଶି ୮୬ହଜାର ୬ଶହ ୩୮ଟଙ୍କାକୁ ଚେକ୍ ମାଧ୍ୟମରେ ଶକ୍ତିଙ୍କ ଢେଙ୍କାନାଳ ସ୍ଥିତ ବାସଭବନରେ ପ୍ରଦାନ କରାଯାଇଛି। କାର୍ଯ୍ୟକ୍ରମରେ କଣ୍ଠଶିଳ୍ପୀ ସ୍ବୟଂ ପାଢୀ, ଶଶାଙ୍କ ଶେଖର, ଅନ୍ତରା ଚକ୍ରବର୍ତ୍ତୀ, ତାରିଖ ଆଜିଜ୍, ଗୌତମ ଗିରି, ମହମ୍ମଦ ଆଜିଜ୍, ସୀମା ମହାନ୍ତି, ମହମ୍ମଦ ନାସିର୍, ଶର୍ମିଳା ସିଂ ମନଲୋଭା ସଙ୍ଗୀତ ପରିବେଷଣ କରିଥିଲେ।