ପ୍ରତିଦିନ ସୋସିଆଲ ମିଡିଆରେ କିଛି ନା କିଛି ଭିଡିଓ ଭାଇରାଲ ହୋଇଥାଏ। ଏଥିମଧ୍ୟରୁ କିଛି ଭିଡିଓ ଆଶ୍ଚର୍ଯ୍ୟ କରିଦିଏ। ଏବେ ସେମିତି ଏକ ଛାତିଥରା ଭିଡିଓ ଭାଇରାଲ ହେଉଛି। ଯେଉଁଥିରେ ପର୍ଯ୍ୟଟକମାନେ ଚିଡ଼ିଆଖାନା ଭିତରେ ବୁଲୁଛନ୍ତି। ଏକ ସିଂହୀ ଗାଡ଼ି ଭିତରକୁ ପଶି ଆସି କେମିତି କ’ଣ ବ୍ୟବହାର ଦେଖାଉଛି ତାହା ଏହି ଭିଡିଓରେ ଦର୍ଶାଯାଇଛି।
ଭିଡିଓରେ ସିଂହୀଟି କିଛି ପର୍ଯ୍ୟଟ ଥିବା ଗାଡ଼ି ଭିତରକୁ ଚଢୁଛି। ତା’ ପରେ ସେ ଜଣଙ୍କ ପରେ ଜଣେ ମହିଳାଙ୍କ ନିକଟକୁ ଯାଉଛନ୍ତି ଏବଂ ସେମାନଙ୍କୁ ଭଲ ପାଆନ୍ତି ଏବଂ ସେମାନଙ୍କୁ ଆଲିଙ୍ଗନ କରନ୍ତି। ଏହି ଭିଡିଓକୁ ଦେଖିଲେ ଲାଗୁଛି ଯେମିତି ସେ ସିଂହୀ ନୁହନ୍ତି ବରଂ ଏକ ପୋଷା କୁକୁର। ସାଧାରଣତଃ ବଣୁଆ ଜନ୍ତୁମାନଙ୍କର ଏପରି ଭିଡିଓ କ୍ୱଚିତ ଦେଖାଯାଏ।
ଏହି ଭିଡିଓଟି @AMAZlNGNATURE ନାମକ ଆକାଉଣ୍ଟରେ ଶେୟାର କରାଯାଇଛ। ୪୧ ସେକେଣ୍ଡ୍ର ଭିଡିଓକୁ ୯ ମିଲିୟନ ଅର୍ଥାତ୍ ଏପର୍ଯ୍ୟନ୍ତ ୯୦ ଲକ୍ଷରୁ ଅଧିକ ଥର ଦେଖାଯାଇଥିବା ବେଳେ ୧ ଲକ୍ଷରୁ ଅଧିକ ଲାଇକ୍ ମିଳିଛି। ଏହା ଉପରେ ଅନେକ ମନ୍ତବ୍ୟ ଦେଉଥିବାର ମଧ୍ୟ ଦେଖାଯାଉଛି। ଜଣେ ୟୁଜର ଲେଖିଛନ୍ତି, ମୁଁ ପଶୁମାନଙ୍କୁ ଯେତେ ଭଲ ପାଏ ନା କାହିଁକି, ଯଦି ମୁଁ ସେଠାରେ ଥାଆନ୍ତି, ଭୟଭୀତ ହୋଇଥାନ୍ତି।