ବେଙ୍ଗାଲୁରୁ,୩୦।୪ : କଂଗ୍ରେସର ବରିଷ୍ଠ ନେତା ତଥା କର୍ନାଟକର ପୂର୍ବତନ ମୁଖ୍ୟମନ୍ତ୍ରୀ ସିଦ୍ଧରାମୈୟା ତାଙ୍କ ସହ ଦୌଡ଼ି ପାରିବେ କି ବୋଲି ପଚାରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଏକ ଚ୍ୟାଲେଞ୍ଜ ଦେଇଛନ୍ତି। ପ୍ରଧାନମନ୍ତ୍ରୀ କର୍ନାଟକରେ ଏକ ରାଲିରେ କହିଥିଲେ, ପୂର୍ବତନ ମୁଖ୍ୟମନ୍ତ୍ରୀ ସକ୍ରିୟ ରାଜନୀତିରୁ ଅବସର ନେବାକୁ କହି ଭୋଟ ମାଗୁଛନ୍ତି।
ସିଦ୍ଧରାମୈୟାଙ୍କ ଗତ ବର୍ଷ ଭାରତ ଯୋଡା ଯାତ୍ରା ସମୟରେ କଂଗ୍ରେସ ନେତା ରାହୁଲ ଗାନ୍ଧୀଙ୍କ ସହ ଚାଲିଥିବାର ଏକ ଭିଡିଓ ଶେୟାର କରି ପ୍ରଧାନମନ୍ତ୍ରୀ ମୋଦିଙ୍କୁ ଟ୍ୟାଗ କରିଛନ୍ତି।
ରାଜନୀତିରୁ ଅବସର ନେବାର ବାହାନା କରି ଯେଉଁମାନେ ଭୋଟ ଚାହୁଁଛନ୍ତି ସେମାନଙ୍କ ବିଷୟରେ ପ୍ରଧାନମନ୍ତ୍ରୀଙ୍କ ମନ୍ତବ୍ୟର ଉତ୍ତରରେ ସେ ଟୁଇଟ କରି କହିଛନ୍ତି, ଆପଣ, କ୍ଳାନ୍ତ ଥିବାରୁ ବିଏସ ୟେଦୁରପ୍ପାଙ୍କୁ ମୁଖ୍ୟମନ୍ତ୍ରୀ ପଦରୁ ହଟାଇ ଦେଇଛନ୍ତି କି? ତା’ପରେ ଆପଣ ତାଙ୍କୁ ଅନୁରୋଧ କରିଛନ୍ତି, ନିର୍ବାଚନରେ ଆପଣଙ୍କ ପାଇଁ ପ୍ରଚାର କରନ୍ତୁ। ଆସନ୍ତୁ, ଆପଣ ଏବଂ ମଧ୍ୟରେ ଏକ ଦୌଡ଼ ହୋଇ ଯାଉ। ଦେଖିବା କିଏ ଥକି ଯାଇଛି। ମୋର ଶେଷ ନିଶ୍ୱାସ ପର୍ଯ୍ୟନ୍ତ ମୁଁ ଲୋକମାନଙ୍କର ସେବା କରିବି ବୋଲି ସିଦ୍ଧରାମୈୟା କହିଛନ୍ତି।
