ଓଟାୱା,୧ ।୩: କାନାଡା ରୁଷିଆ ତୈଳ ଆମଦାନୀ ଉପରେ ପ୍ରତିବନ୍ଧକ ଲଗାଇଛି । କନାଡା ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ଏହି ଘୋଷଣା କରିଛନ୍ତି । ସମାଚାର ଏଜେନ୍ସି ଏଏଫପି ପକ୍ଷରୁ ଏହି ସୂଚନା ଦିଆଯାଇଛି । ରୁଷିଆ ଉପରେ ଲାଗିଥିବା ଏହି ପ୍ରତିବନ୍ଧକ ସେହି ନୀତିର ଅଂଶ ଯାହା ୟୁକ୍ରେନ ଉପରେ ଆକ୍ରମଣ କରିବା ପାଇଁ ରୁଷିଆ ଉପରେ ଭିନ୍ନ ଭିନ୍ନ ପ୍ରତିବନ୍ଧକ ଲଗାଯାଇଛି । ସମସ୍ତ ପଶ୍ଚିମ ଓ ୟୁରୋପୀୟ ଦେଶ ରୁଷିଆ ଉପରେ ଗୋଟିଏ ପରେ ଗୋଟିଏ ପ୍ରତିବନ୍ଧକ ଲଗାଇ ଚାଲିଛନ୍ତି ।
ୟୁକ୍ରେନ୍ ରାଷ୍ଟ୍ରପତି ଭୋଲୋଡେମିର ଜେଲନସ୍କି ବି ଲଗାତାର ଭାବେ ଅନ୍ୟ ଦେଶକୁ ରୁଷିଆ ଉପରେ ପ୍ରତିବନ୍ଧକ ଲଗାଇବାକୁ ଅପିଲ କରି ଚାଲିଛନ୍ତି । ସୂଚନାଯୋଗ୍ୟ, ଜେଲନସ୍କି ବିଶ୍ୱର ସମସ୍ତ ବିମାନ ବନ୍ଦର ଓ ପୋର୍ଟରେ ରୁଷିଆ ପାଇଁ ପ୍ରତିବନ୍ଧକ ଲଗାଇବକାକୁ ଅପିଲ କରିଛନ୍ତି । ଏହା ବ୍ୟତୀତ ରୁଷିଆ ମିଶାଇଲ, ବିମାନ ଓ ହେଲିକପ୍ଟର ପାଇଁ ନୋ-ଫ୍ଲାଇ ଜୋନ ପାଇଁ ବି ଅପିଲ କରିଛନ୍ତି ।