ଓଟାଓ୍ବା,୭।୧୦: କାନାଡାର ବ୍ରିଟିଶ କଲମ୍ବିଆରେ ଏକ ବିମାନ ଦୁର୍ଘଟଣାଗ୍ରସ୍ତ ହୋଇଥିବା ଘଟଣା ସାମ୍ନାକୁ ଆସିଛି। ଚିଲିୱାକ ସହରରେ ଏକ ଛୋଟ ବିମାନ ଦୁର୍ଘଟଣାଗ୍ରସ୍ତ ହେବା ଫଳରେ ପାଇଲଟଙ୍କ ସମେତ ବିମାନରେ ଥିବା ସମସ୍ତ ତିନିଜଣଙ୍କର ମୃତ୍ୟୁ ହୋଇଛି।
ଦୁଇ ଇଞ୍ଜିନର ହାଲୁକା ବିମାନ ପାଇପର ପିଏ-୩୪ ସେନେକା ସ୍ଥାନୀୟ ବିମାନବନ୍ଦର ନିକଟରେ ଦୁର୍ଘଟଣାଗ୍ରସ୍ତି ହୋଇଛି। ଚିଲିୱାକ ସହର ଭେଙ୍କୁଭରଠାରୁ ପ୍ରାୟ ୧୦୦କିଲୋମିଟର ଦୂରରେ ଅବସ୍ଥିତ। ଘଟଣାର ତଦନ୍ତ ଚାଲିଛି ବୋଲି କାନାଡାର ଅଧିକାରୀ କହିଛନ୍ତି।