ଓଟାଓ୍ବା,୨୦।୯: ଖଲିସ୍ତାନୀ ନେତାଙ୍କ ହତ୍ୟାକୁ ନେଇ କାନାଡା ଏବଂ ଭାରତ ମଧ୍ୟରେ ମତଭେଦ ବଢିବାରେ ଲାଗିଛି। ଏହି ସମୟରେ ଏକ ଆଶ୍ଚର୍ଯ୍ୟଜନକ ରିପୋର୍ଟ ସାମ୍ନାକୁ ଆସିଛି। ପ୍ରକାଶ ଯେ, ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ଭାରତ ବିରୋଧରେ ଅଭିଯୋଗ କରିବାର କିଛି ସପ୍ତାହ ପୂର୍ବରୁ, କାନାଡାର ଅଧିକାରୀମାନେ ଆମେରିକା ସମେତ ଅନେକ ସହଯୋଗୀଙ୍କୁ ଖଲିସ୍ତାନୀ ନେତାଙ୍କ ହତ୍ୟାକୁ ସର୍ବସାଧାରଣରେ ନିନ୍ଦା କରିବାକୁ ଦାବି କରିଥିଲେ। ତେବେ ସମସ୍ତ ଦେଶ ଏହାକୁ ପ୍ରତ୍ୟାଖ୍ୟାନ କରିଦେଇଥିଲେ।
ଏହି ରିପୋର୍ଟରେ କୁହାଯାଇଛି ଯେ, ବାଇଡେନ ପ୍ରଶାସନ ଏବଂ ଏହାର ସହଯୋଗୀମାନେ ଭାରତ ସହ ସମ୍ପର୍କକୁ ଆଗକୁ ନେବାକୁ ଚେଷ୍ଟା କରୁଥିବା ବେଳେ ଏହା କୂଟନୈତିକ ଆହ୍ବାନକୁ ଦର୍ଶାଉଛି। ସୂଚନାଯୋଗ୍ୟ ଯେ, କାନାଡା ଏବଂ ଭାରତ ମଧ୍ୟରେ ତିକ୍ତତା ଦେଖାଯାଇଛି। ହରଦୀପ ସିଂ ନିଜାରଙ୍କ ହତ୍ୟା ପଛରେ ଭାରତ ସରକାର ହାତ ଥାଇପାରେ ବୋଲି କାନାଡା ପ୍ରଧାନମନ୍ତ୍ରୀ ଟ୍ରୁଡୋ ଅଭିଯୋଗ କରିଛନ୍ତି।