ମା’ଙ୍କ ବିବାହ କରାଇଲେ ପୁଅ। କଥାଟା ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ। ଜିମିତ ଗାନ୍ଧୀ ନାମକ ଜଣେ ଯୁବକ ତାଙ୍କ ମା’ଙ୍କ ବିବାହର ଫଟୋ ସୋସିଆଲ ମିଡିଆରେ ଶେୟାର କରି ଏକ ଭାବପ୍ରଣଣ ପୋଷ୍ଟ କରିଥିଲେ। ଏହି ଫଟୋଗୁଡିକ ଏବେ ଭାଇରାଲ ହେଉଛି। ସ୍ବାମୀଙ୍କ ମୃତ୍ୟୁ ପରେ ଜିମିତଙ୍କ ମା’ କର୍କଟ ଏବଂ ଡିପ୍ରେସନ୍ ଭଳି ରୋଗରେ ପୀଡିତ ଥିଲେ। ଖରାପ ପରିସ୍ଥିତି ସତ୍ତ୍ୱେ ସେ କେବେବି କାହା ନିକଟରେ ଅଭିଯୋଗ କରି ନ ଥିଲେ ଏବଂ ଆଶା ହରାଇ ନ ଥିଲେ। ଜୀବନର କଠିନ ପରିସ୍ଥିତିର ମୁକାବିଲା କରି ସେ ଜଣେ ପୁରୁଷଙ୍କ ପ୍ରେମରେ ପଡ଼ି ୫୩ ବର୍ଷ ବୟସରେ ବିବାହ କରିଥିଲେ।
ସୂଚନା ଅନୁଯାୟୀ, ଜିମିତ ରିଫିନିଟିଭ ନାମକ ଏକ କମ୍ପାନୀରେ କାର୍ଯ୍ୟ କରନ୍ତି। ସେ ଦେଶ ବାହାରେ ରୁହନ୍ତି। ତାଙ୍କ ମା’ ଏକୁଟିଆ ଭାରତରେ ରୁହନ୍ତି। ଜିମିତଙ୍କ ମା’ ୨୦୧୩ରେ ୪୪ ବର୍ଷ ବୟସରେ ତାଙ୍କ ସ୍ବାମୀଙ୍କୁ ହରାଇଥିଲେ। ପ୍ରାୟ ୬ ବର୍ଷ ପରେ, ୨୦୧୯ ରେ, ସେ ମଧ୍ୟ ଷ୍ଟେଜ ୩ ସ୍ତନ କର୍କଟ ରୋଗରେ ଆକ୍ରାନ୍ତ ହୋଇଥିଲେ। କର୍କଟ ରୋଗ ସହ ସେ କୋଭିଡର ଡେଲଟା ଭାରିଆଣ୍ଟରେ ସଂକ୍ରମିତ ହୋଇଥିଲେ। ଏହା ପରେ ସେ ଡିପ୍ରେସନର ଶିକାର ହୋଇଥିଲେ। ଅନେକ ଅସୁବିଧା ସତ୍ତ୍ୱେ ସେ କେବେ ହାର ମାନି ନ ଥିଲେ। ଜିମିତଙ୍କ ଅନୁଯାୟୀ, ୫୨ ବର୍ଷ ବୟସରେ ତାଙ୍କ ମା ପ୍ରେମରେ ପଡିଥିଲେ ଏବଂ ଏବେ ସେ ବିବାହ କରିଛନ୍ତି।
