କେନ୍ଦୁଝର, ୧୩।୩(ଡିଏନ୍ଏ): ରାଜ୍ୟର ବିଭିନ୍ନ ପୌରପାଳିକା ଓ ଅଧିସ୍ବୀକୃତି କ୍ଷେତ୍ର ବା ଏନ୍ଏସିରେ ନିର୍ବାଚନ ପାଇଁ ପ୍ରଚାର ଜୋର ଧରିଥିବାବେଳେ ରାଜ୍ୟର ଅନ୍ୟତମ ପୁରାତନ ତଥା ୭୦ବର୍ଷର ପୌରପାଳିକା କେନ୍ଦୁଝରଗଡ ପୌର ପରିଷଦରେ ନିର୍ବାଚନରେ ଚଳିତ ଥର ସିଧାସଳଖ ଅଧ୍ୟକ୍ଷା ନିର୍ବାଚନ ଏବେ ଜୋର ଧରିଛି ା ପ୍ରାର୍ଥୀପତ୍ର ଦାଖଲ, ଯାଞ୍ଚ ପ୍ରକ୍ରିୟା ଶେଷ ହୋଇଥିବାବେଳେ ୧୪ ତାରିଖ ପ୍ରତ୍ୟାହାରର ଶେଷ ଦିବସ ରହିଛି। ହାତଗଣତିରେ ନିର୍ବାଚନକୁ ଆଉ ଦିନ କେଇଟା ଥିବାବେଳେ ଏବେ ଘରକୁ ଘର ବୁଲି ଅଧ୍ୟକ୍ଷା ପ୍ରାର୍ଥତ୍ନୀମାନେ ଲୋକଙ୍କୁ ଭେଟୁଥିବା ଜଣାପଡିଛି।
ପୌରପାଳିକାରେ ମୋଟ ୨୧ଟି ୱାର୍ଡ ଥିବାବେଳେ ଭୋଟରଙ୍କ ସଂଖ୍ୟା ୪୪,୧୮୬ ରହିଛି। ପ୍ରତିଦ୍ୱନ୍ଦ୍ୱିତାରେ ମୋଟ ୫ଜଣ ପ୍ରାର୍ଥତ୍ନୀ ଥିବାବେଳେ ମୁଖ୍ୟତଃ ବିଜେଡି-ଭାଜପା ଓ କଂଗ୍ରେସ ପ୍ରାର୍ଥତ୍ନୀଙ୍କ ସଂପର୍କରେ ଭୋଟର ବିଶେଷ ଆଲୋଚନା କରୁଥିବା ଜଣାପଡିଛି। ଏକ ରାଜନୈତିକ ପରିବାରର ଝିଅ ଓ ବୋହୂ ହେଉଛନ୍ତି ବିଜେଡିର ପ୍ରାର୍ଥୀ ଅର୍ଚ୍ଚନା ରାଉତ। ସ୍ବାମୀ କୃଷ୍ଣଚନ୍ଦ୍ର ରାଉତ କେନ୍ଦୁଝରଗଡ ପୌରପାଳିକାର ଚାରିଥରର କାଉନସିଲର ଓ ଜଣେ ନିଃସ୍ବାର୍ଥପର ସମାଜସେବୀ ଭାବେ ସୁନାମ ଅର୍ଜନ କରିଛନ୍ତି ସେ। ବାପା ବ୍ୟାସନଗର ପୌର ପରିଷଦର ଉପାଧ୍ୟକ୍ଷ ରହି କାର୍ଯ୍ୟ କରିଛନ୍ତି ା ଜଣେ ସରଳ ମହିଳା ଓ ଗୃହିଣୀ ଭାବେ ସେ ଦାୟିତ୍ୱ ସମ୍ପାଦନ କରି ପରିବାର ଓ ନିଜ ସମର୍ଥକମାନଙ୍କୁ ନେଇ ଘରକୁ ଘର ବୁଲି ଭୋଟ ଭିକ୍ଷା କରୁଛନ୍ତି। ସେହିପରି ଭାଜପା ପ୍ରାର୍ଥୀ ନିକୁ ସାହୁ ଏବେ ପ୍ରତିଦ୍ୱନ୍ଦ୍ୱିତାର ଦୌଡରେ ରହିଥିବାବେଳେ ଏକ ପ୍ରତିଷ୍ଠିତ ବ୍ୟବସାୟୀ ପରିବାରର ସେ ବୋହୁ ା ଭାଜପାର ସମର୍ଥକ, ନିଜ ଶୁଭେଚ୍ଛୁ ଓ ସାଧାରଣ ଲୋକଙ୍କ ସହ ସେ ବିଭିନ୍ନ ୱାର୍ଡକୁ ଯାଇ ଭୋଟରଙ୍କୁ ଭେଟୁଛନ୍ତି ା କଂଗ୍ରେସ ଦଳର ପ୍ରାର୍ଥତ୍ନୀ ପ୍ରାଚୀବାଳା ସାହୁ ଶେଷ ସମୟରେ କଂଗ୍ରେସ ଦଳରୁ ଟିକେଟ ପାଇ ପ୍ରଚାରକୁ ଓହ୍ଲାଇ ଥିବାବେଳେ ତାଙ୍କ ଶ୍ୱଶୁର ଡାକ୍ତର ଉଦୟନାଥ ସାହୁ କେନ୍ଦୁଝରଗଡ ପୌରପାଳିକାର ସିଧାସଳଖ ଅଧ୍ୟକ୍ଷ ନିର୍ବାଚିତ ହୋଇଥିଲେ ା
