ଗଞ୍ଜାମ,୯ା୩(ଡି.ଏନ୍.ଏ.): ଆସନ୍ତା ୨୪ରେ ହେବାକୁ ଥିବା ପୌର ନିର୍ବାଚନ ପାଇଁ ବୁଧବାର ଥିଲା ପାର୍ଥିପତ୍ର ଯାଞ୍ଚ l ନିର୍ବାଚନ ମଇଦାନରେ ଥିବା ବିଭିନ୍ନ ଦଳର ୩୧ କାଉସିଲର ଓ ୪ ଜଣ ଚେୟାରମ୍ୟାନ ପ୍ରାର୍ଥୀଙ୍କ ପ୍ରାର୍ଥିପତ୍ର ଯାଞ୍ଚ କରିଥିଲେ ନିର୍ବାଚନ ଅଧିକାରୀ ତଥା ଗଞ୍ଜାମ ତହସିଲଦାର ଅରୁଣ କୁମାର ନାୟକ। ଏଥିରେ ସମସ୍ତ ପ୍ରାର୍ଥୀ କାଏମ ଥିବା ନିିର୍ବାଚନ ଅଧିକାରୀ ନାୟକ ଗଣମାଧ୍ୟମକୁ ସୂଚନା ଦେଇଛନ୍ତି l ଯାଞ୍ଚ ବେଳେ ଶିକ୍ଷକ ନିରଞ୍ଜନ ମହାପାତ୍ର, ଏନ୍ଏସି କର୍ମଚାରୀ ଲକ୍ଷ୍ମୀ ଚରଣ ପାଢ଼ୀ, କୃଷ୍ଣଚନ୍ଦ୍ର ବୈଦ୍ୟ, ମିଳନ ମୋହନ ମୁର୍ମୁ, କମଳ କାନ୍ତ ଦାସ ପ୍ରମୁଖ ଉପସ୍ଥିତ ଥିଲେ।
ସୂଚନାଯୋଗ୍ୟ, ଚେୟାରମ୍ୟାନ ଆସନ ପାଇଁ ଚାରିଜଣ ପ୍ରାର୍ଥୀ ନିର୍ବାଚନ ଲଢ଼ୁଛନ୍ତି l ବିଜେଡିରୁ ଯୁବନେତା ସୁଧୀର କୁମାର ପାଢ଼ୀଙ୍କ ଭଉଣୀ ଝୁଲି ପାତ୍ର, ଭାଜପାରୁ ଡି ସାଇ ପ୍ରମିଳା, କଂଗ୍ରେସରୁ ସୁମିତ୍ରା ବେହେରା ଏବଂ ସ୍ବାଧୀନରୁ ପ୍ରତିଭା ପାଢ଼ୀ ପ୍ରତିଦ୍ବନ୍ଦ୍ୱିତା କରୁଛନ୍ତି।
