ଆଳି,୧୩ା୨(ଡି.ଏନ୍.ଏ.): ତ୍ରିସ୍ତରୀୟ ପଞ୍ଚାୟତ ନିର୍ବାଚନ ତାରିଖ ପାଖେଇ ଆସୁଥିବା ବେଳେ ପ୍ରାର୍ଥୀମାନଙ୍କ ପ୍ରଚାରରେ କମ୍ପୁଛି ଆଳି ବ୍ଲକର ୩୪ ପଞ୍ଚାୟତ । ପ୍ରାର୍ଥୀମାନେ ଘରକୁ ଘର ବୁଲି ନିଜ ସପକ୍ଷରେ ଭୋଟ ଭିକ୍ଷା କରୁଛନ୍ତି । ସିଙ୍ଗିରି ପଞ୍ଚାୟତରେ ସରପଞ୍ଚ ପ୍ରାର୍ଥୀ ଅକ୍ଷୟ ଦାସ ପଞ୍ଚାୟତରେ ନିଆରା ଢଙ୍ଗରେ ପ୍ରଚାର କରୁଥିବା ଦେଖିବାକୁ ମିଳୁଛି। ଅକ୍ଷୟ ଦାସଙ୍କ ନିର୍ବାଚନୀ ଚିହ୍ନ ଖୋଲାବହି ହୋଇଥିବାରୁ ସେ ଓ ତାଙ୍କ ସମର୍ଥକମାନେ ହାତରେ ବର୍ଣ୍ଣବୋଧ ବହି ଧରି ଘର ଘର ବୁଲି ନିଜ ସପକ୍ଷରେ କ୍ୟାମ୍ପେନିଂ କରୁଛନ୍ତି । ଏ ସଂକ୍ରାନ୍ତରେ ଅକ୍ଷୟ କୁହନ୍ତି, ଅନ୍ୟ ବହି ଅପେକ୍ଷା ବର୍ଣ୍ଣବୋଧ ସମସ୍ତଙ୍କ ପାଖରେ ପରିଚିତ । ପିଲାଟି ଦିନରୁ ଏହି ବହି ପ୍ରତି ସମସ୍ତଙ୍କ ସମ୍ମାନ ରହିଛି ା ମୁଁ ବି ସେହି ବହିର ସମ୍ମାନ ରଖି ମୋ ନିର୍ବାଚନ ପ୍ରଚାରର ମାଧ୍ୟମ କରିଛି ।