ଅନୁଗୋଳ ଅଫିସ,୩।୩: ଅନୁଗୋଳ ଅବକାରୀ ବିଭାଗକୁ ବଡ଼ ସଫଳତା ମିଳିଛି। ଦୁଇଟି ପୃଥକ ସ୍ଥାନରେ ଚଢାଉ କରି ମୋଟ୍ ୧୦୮ କୁଇଣ୍ଟାଲ ଗଞ୍ଜେଇ ଜବତ କରାଯାଇଛି। ଚୋରା ଚାଲାଣରେ ବ୍ୟବହୃତ ଏକ କାର୍ ଓ ବୋଲେରୋକୁ ଜବତ କରିବା ସହ ୬ ଜଣ ଅଭିଯୁକ୍ତ ବନ୍ଧା ହୋଇଛନ୍ତି। ଅଭିଯୁକ୍ତମାନେ ବୌଦ୍ଧରୁ ଗଞ୍ଜେଇ ବାଲେଶ୍ୱର ଚାଲାଣ କରୁଥିବା ଅବକାରୀ ବିଭାଗକୁ ସୂଚନା ମିଳିଥିଲା। ଏହାପରେ ଅବକାରୀ ଟିମ୍ ଯାଞ୍ଚ କରିଥିଲେ। ତେବେ ବଇଣ୍ଡା ଛକ ଠାରୁ ଏକ କାର୍କୁ ଜବତ କରି ୪୮ କେଜି ଓ ମୁଣ୍ଡାସାହି ଛକ ଠାରୁ ଲେରୋ ସହ ୬୦ କେଜି ଗଞ୍ଜେଇ ଜବତ କରିଛି ଅବକାରୀ ଟିମ୍। ଏଥିସହ ଗାଡିରେ ଥିବା ୩ ଅଭିଯୁକ୍ତଙ୍କୁ ଗିରଫ କରାଯାଇଛି। ବାହାଘର କାର୍ଡ ବାଣ୍ଟି ଯାଉଛୁ କହି ଅଭିଯୁକ୍ତମାନେ ଆଳ ଦେଖାଇଥିଲେ ହେଁ ଅବକାରୀ ଅଧିକାରୀଙ୍କ ଆଖିରୁ ବର୍ତ୍ତି ପାରି ନ ଥିଲେ।