ନୟାଗଡ଼,୧୯ା୭(ଲୋକନାଥ ମିଶ୍ର): ନୟାଗଡ଼ ସଦର ଅବକାରୀ ଥାନାକୁ ମିଳିଛି ବଡ଼ ସଫଳତା। ଦଶପଲା ଓ ନୂଆଗାଁର ଦୁଇ ସ୍ଥାନରେ ଚଢ଼ାଉ କରି ୬୧ କେଜି ଗଞ୍ଜେଇ ଜବତ କରିବା ସହ ୨ଟି କାର୍କୁ ଜବତ କରିଛି। ଦୁଇ ଡ୍ରାଇଭର ବୌଦ୍ଧ ଜିଲା ପୁରୁଣା କଟକ ଥାନା ବଦଲା ଗାଁର ସୁଶାନ୍ତ ବେହେରା ଓ ଓଡ଼ଗାଁ ଥାନା ବହାଡ଼ାଝୋଲା ଭାଟସାହିର ରୁଦ୍ର ନାରାୟଣ, ଦୁଇ ବ୍ୟବସାୟୀ କନ୍ଧମାଳ ଜିଲା ଟିକାବାଲି ଥାନା ପୁଣ୍ଡୁଗୁଡ଼ା ଗାଁ ଦୀପକ ସାହୁ ଓ ଖୋର୍ଦ୍ଧା ଜିଲା ଏୟାର୍ଫିଲ୍ଡ୍ ଥାନା ଡୁମୁଡୁମାର କବୀର ସାହୁଙ୍କ ସମେତ ୪ ଜଣଙ୍କୁ ଗିରଫ କରିଛି। ଏହି ୪ ଅଭିଯୁକ୍ତଙ୍କୁ ବୁଧବାର କୋର୍ଟ ଚାଲାଣ କରାଯିବ। ଗଞ୍ଜେଇ କନ୍ଧମାଳରୁ ଭୁବନେଶ୍ୱର ଯାଉଥିଲା। ଗୋଟିଏ କାର୍ରେ ବିଏମ୍ସି ଲେଖାଥିବା ଗାଡ଼ି ଜବତ ହୋଇଥିବା ଅବକାରୀ ଅଧୀକ୍ଷକ ଖବରଦାତା ସମ୍ମିଳନୀ କରି କହିଛନ୍ତି।