କୋରାପୁଟ,୧୩।୨(ସ୍ବ.ପ୍ର): କୋରାପୁଟ ଜିଲାର ମାଛକୁଣ୍ଡ ପୋଲିସ ଦ୍ୱାରା ପାଟ୍ରୋଲିଂ ଚାଲିଥିବାବେଳେ ବଡ ଡୁରାଲ ଗ୍ରାମ ନିକଟରୁ ୭ ଲକ୍ଷରୁ ଉର୍ଦ୍ଧ୍ୱ ଟଙ୍କାର ଗଞ୍ଜେଇ ଜବତ ହୋଇଛି। ପୂର୍ବ ସୂଚନାପାଇ ସୋମବାର ମାଛକୁଣ୍ଡ ଥାନା ପୋଲିସ ସ୍ଥାନୀୟ ବଡ ଡୁରାଲ ଗ୍ରାମ ନିକଟରେ ପାଟ୍ରୋଲିଂ କରୁଥିଲେ। ଏହି ସମୟରେ ଦ୍ରୁତଗତିରେ ଆସୁଥିବା ଏକ କାର୍କୁ ପୋଲିସ ଅଟକାଇଥିଲା। ହେଲେ ଗଞ୍ଜେଇ ମାଫିଆମାନେ ପୋଲିସକୁ ଦେଖି କାର୍କୁ କିଛି ଦୂରରେ ରଖି ଚମ୍ପଟ ମାରିଥିଲେ। ପୋଲିସ କାର୍ ଯାଞ୍ଚ କରିବାବେଳେ କାର୍ ଭିତରେ ଥିବା ୩ ବସ୍ତା ଗଞ୍ଜେଇ ଜବତ କରିଥିଲେ। ପରେ ମାଜିଷ୍ଟେଟଙ୍କ ଉପସ୍ଥିତିରେ ଓଜନ କରାଯାଇଥିବାବେଳେ ମୋଟ୍ ୬୩ କେଜି ୭ ଶହ ଗ୍ରାମ ବୋଲି ଜଣାପଡିଛି। ଯାହାର ଆନୁମାନିକ ମୂଲ୍ୟ ୭ ଲକ୍ଷରୁ ଉର୍ଦ୍ଧ୍ୱ ଟଙ୍କା ହେବ ବୋଲି ଜଣାପଡିଛି। ଜବତ କାର୍ର ନମ୍ବର ଆଧାରରେ କାର୍ ମାଳିକ ନାମରେ ଏନ୍ଡିପିଏସ୍ରେ ଏକ ମାମଲା ରୁଜୁ ହେବା ସହ ପୋଲିସ ଅଧିକ ତଦନ୍ତ ଚଳାଇଛି।