କୋରାପୁଟ,୧୧ା୯(ସ୍ବ.ପ୍ର.): କୋରାପୁଟ ଜିଲା ଲମତାପୁଟ ବ୍ଲକର ଆନ୍ଧ୍ର ସୀମାବର୍ତ୍ତୀ ଜଲାପୁଟ ଅଞ୍ଚଳରୁ ୨ଟି ବୋଲେରୋରେ ଆନ୍ଧ୍ରରୁ ହାଇଦ୍ରାବାଦକୁ ଚୋରା ଚାଲାଣବେଳେ ୨୦ଲକ୍ଷ ଟଙ୍କାର ଗଞ୍ଜେଇ ଜବତ କରିଛି ମାଛକୁଣ୍ଡ ପୋଲିସ। ଏଥିସହ ଏହି ମାମଲାରେ ଜଡ଼ିତ ୪ଅଭିଯୁକ୍ତଙ୍କୁ ରବିବାର ଭୋର୍ରୁ ମାଛକୁଣ୍ଡ ପୋଲିସ ଜବତ କରି କୋର୍ଟ ଚାଲାଣ କରାଯାଇଥିବା ନନ୍ଦପୁର ପୋଲିସ ଏସ୍ଡିପିଓ ସଞ୍ଜୟ କୁମାର ମହାପାତ୍ର ସୂଚନା ଦେଇଛନ୍ତି।
ପୋଲିସ ସୂତ୍ରରୁ ପ୍ରକାଶ, ଗଞ୍ଜେଇ ଚୋରାଚାଲାଣ ସମ୍ପର୍କରେ ସୂଚନା ପାଇ ମାଛକୁଣ୍ଡ ପୋଲିସ ଏକ ସ୍ବତନ୍ତ୍ର ଟିମ୍ ଗଠନ କରି ଜଲାପୁଟ ଅଞ୍ଚଳରେ ପାଟ୍ରୋଲିଂ କରୁଥିବାବେଳେ ସୁରମି ଛକ ନିକଟରେ ଦ୍ରୁତଗତିରେ ଯାଉଥିବା ଦୁଇଟି ବୋଲେରୋକୁ ଅଟକାଇ ଯାଞ୍ଚ କରିଥିଲା। ଏହି ସମୟରେ ପ୍ରାୟ ୨ ଶହ କେଜି ଗଞ୍ଜେଇ ଜବତ ହୋଇଥିବା ଜଣାପଡ଼ିଛି। ଏପି ୨୯ ବିଏଲ ୦୦୬୯ ଓ ଏପି ୧୩ପି ୨୮୩୫ ନାମକ ଦୁଇଟି ବୋଲେରୋକୁ ଜବତ କରିବା ସହ ୪୦୦ ଗ୍ରାମ୍ ଲେଖାଏ ଛୋଟ ଛୋଟ ଗଞ୍ଜେଇ ପ୍ୟାକେଟ୍ମାନ କରି ହାଇଦ୍ରାବାଦ ଚାଲାଣ କରାଯାଉଥିବା ମୋଟ୍ ୨ ଶହ କେଜି ଗଞ୍ଜେଇ ଜବତ କରାଯାଇଛି। ଏହି ଘଟଣାରେ ସାମିଲ ଥିବା ଦାଣ୍ଡ କେଲପା, ଶିଶଓ୍ବେର ଆଦି, ଓ୍ବେଭାନ ରାଓ ଏବଂ ମାରୁତି ଚୌହାନ ନାମକ ୪ ଅଭିଯୁକ୍ତଙ୍କୁ ପୋଲିସ ଗିରଫ କରିଛି। ଗିରଫ ୪ ଜଣ କର୍ନାଟକର ବିଧାର ଜିଲାର ବୋଲି ଜେରା ବେଳେ ପୋଲିସ କହିଛି। ଏନେଇ ମାଛକୁଣ୍ଡ ପୋଲିସ ଥାନାରେ ୯୯/୨୨ରେ ଏକ ମାମଲା ରୁଜୁ କରି ଅଧିକ ତଦନ୍ତ ଜାରି ରଖିଥିବା ଜଣାଯାଇଛି। ଜବତ ଗଞ୍ଜେଇର ମୂଲ୍ୟ ୨୦ ଲକ୍ଷ ଟଙ୍କା ହେବ ବୋଲି କୁହାଯାଇଛି।