ନୂଆଦିଲ୍ଲୀ,୨୪।୨: ଆଦାନୀ ଗ୍ରୁପକୁ ନେଇ ହିଣ୍ଡେନବର୍ଗ ପକ୍ଷରୁ ପ୍ରକାଶିତ ରିପୋର୍ଟ ଉପରେ ମିଡିଆ କଭରେଜ ପ୍ରତିବନ୍ଧକ ଲଗାଇବାକୁ ସୁପ୍ରିମକୋର୍ଟରେ ଏକ ପିଟିସନ ଦାଖଲ କରାଯାଇଥିଲା। ଶୁକ୍ରବାର କୋର୍ଟ ଏହି ଆବେଦନକୁ ପ୍ରତ୍ୟାଖ୍ୟାନ କରିଛନ୍ତି। ଭାରତର ପ୍ରଧାନ ବିଚାରପତି (ସିଜେଇ) ଡିଏ ଚନ୍ଦ୍ରଚୁଡ କହିଛନ୍ତି, ମିଡିଆ ଉପରେ ରୋକ ଲାଗିପାରିବନି ନାହିଁ। ଏହି ପ୍ରସଙ୍ଗରେ ଆମେ କେବଳ ଆମର ରାୟ ଦେବୁ। ଓକିଲ ଏଲ.ଏଲ ଶର୍ମାଙ୍କ ପକ୍ଷରୁ ଏହି ପିଟିସନ ଦାଖଲ କରାଯାଇଥିଲା।
ଏହାପୂର୍ବରୁ, ଫେବୃଆରୀ ୨୭ରେ ହିଣ୍ଡେନବର୍ଗ ଅନୁସନ୍ଧାନ ଦ୍ୱାରା ପ୍ରକାଶିତ ରିପୋର୍ଟ ସମ୍ବନ୍ଧରେ ସୁପ୍ରିମକୋର୍ଟ ଚାରୋଟି ଆବେଦନ ଉପରେ ଏକ ନିଷ୍ପତ୍ତି ସଂରକ୍ଷଣ କରିଥିଲେ। ଏଥିରେ ଆଦାନୀ ଗ୍ରୁପ ଠକେଇ ଉପରେ ଅଭିଯୋଗ ହୋଇଥିଲା। ଏହି ଆବେଦନ କରିଥିବା ଆଡଭୋକେଟ ଏଲ.ଏଲ ଶର୍ମା ମଧ୍ୟ ସେବି ଏବଂ କେନ୍ଦ୍ର ଗୃହ ମନ୍ତ୍ରଣାଳୟକୁ ହିଣ୍ଡେନବର୍ଗ ରିସର୍ଚ୍ଚ ପ୍ରତିଷ୍ଠାତା ନାଥାନ ଆଣ୍ଡରସନ ଏବଂ ତାଙ୍କ ସହଯୋଗୀଙ୍କ ବିରୋଧରେ ଏଫଆଇଆର୍ ଯାଞ୍ଚ ଏବଂ ପଞ୍ଜିକରଣ ପାଇଁ ନିର୍ଦ୍ଦେଶ ଲୋଡିଛନ୍ତି। ଏହା ସହିତ ଶର୍ମା ତାଲିକାଭୁକ୍ତ କମ୍ପାନୀଗୁଡିକ ସମ୍ବନ୍ଧୀୟ ଗଣମାଧ୍ୟମ ରିପୋର୍ଟକୁ ବନ୍ଦ କରିବା ପାଇଁ ଏକ ଅର୍ଡର ମଧ୍ୟ ମାଗିଥିଲେ।
ଭାରତର ପ୍ରଧାନ ବିଚାରପତି (ସିଜେଇ) ଡିଏ ଚନ୍ଦ୍ରଚୂଡ ଏବଂ ଜଷ୍ଟିସ ପିଏସ ନରସିଂହ ଏବଂ ଜେବି ପାରଦୀୱାଲାଙ୍କ ଏକ ବେଞ୍ଚ ଏହି ମାମଲାର ଶୁଣାଣି କରୁଛି।