ଚଣ୍ଡିଗଡ଼,୨ ।୧୧: ପଞ୍ଜାବର ପୁର୍ବତନ ମୁଖ୍ୟମନ୍ତ୍ରୀ ଅମରିନ୍ଦର ସିଂ ମଙ୍ଗଳବାର କଂଗ୍ରେସରୁ ଇସ୍ତଫା ଦେଇଛନ୍ତି । ସେ କଂଗ୍ରେସର ଅସ୍ଥାୟୀ ଅଧ୍ୟକ୍ଷା ସୋନିଆ ଗାନ୍ଧୀଙ୍କୁ ୭ ପୃଷ୍ଠାର ପତ୍ର ଲେଖି ଦଳରୁ ଇସ୍ତଫା ଦେଇଛନ୍ତି । ଏହାସହ ଅମରିନ୍ଦର ନୂଆ ଦଳର ଘୋଷଣା କରିଛନ୍ତି । ଯାହାର ନାମ ପଞ୍ଜାବ ଲୋକ କଂଗ୍ରେସ ହେବ । ସେ ସୋନିଆଙ୍କୁ ଲେଖିଥିବା ପତ୍ରରେ ନବଜୋତ ସିଂ ସିଦ୍ଧୁଙ୍କୁ ଟାର୍ଗେଟ କରିଥିବା ବେଳେ ହରିଶ ରାୱତ ଜଣେ ଅବିଶ୍ୱନୀୟ ବ୍ୟକ୍ତି ବୋଲି କହିବାକୁ ପଛାଇ ନାହାନ୍ତି । ସୂଚନାଯୋଗ୍ୟ, ଅମରିନ୍ଦର ସିଂ ପଞ୍ଜାବର କଂଗ୍ରେସ ନେତା ନବଜୋତ ସିଂ ସିଦ୍ଧଙ୍କ ସହ ତୁତୁମେମେ ପରେ ସେପ୍ଟେମ୍ବର ୧୮ରେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ । ସେତେବେଳେ ସେ କହିଥିଲେ କି କଂଗ୍ରେସ ତାଙ୍କୁ ଅପମାନିତ କରିଛି । ତେଣୁ ସେ ଶୀଘ୍ର ଦଳ ଛାଡିଦେବେ । ଏହାପରେ ସେ ଭବିଷ୍ୟତର ରଣନୀତି ସମ୍ପର୍କରେ ଆଲୋଚନା ପରେ କହିବେ ବୋଲି କହିଥିଲେ । ଏହାପରେ ସେ ନୂଆ ଦଳ ଗଠନ କରିବାକୁ ଘୋଷଣା କରିଥିଲେ ।
