କେନ୍ଦୁଝର,୯।୧୦(ସ୍ବ.ପ୍ର.): କେନ୍ଦୁଝର ଜିଲା ସଦର ଥାନା ଜାମୁଡିହା ନିକଟ ଏନ୍ଏଚ୍-୪୯ରେ ଏକ ସଡ଼କ ଦୁର୍ଘଟଣା ଘଟିଛି। ଏକ କାର କେନ୍ଦୁଝର ଆଡ଼କୁ ଆସୁଥିବା ବେଳେ ଭାରସାମ୍ୟ ହରାଇ ରାସ୍ତାକଡ଼ ପୋଖରୀରେ ଗଳିପଡ଼ିଥିଲା। ଖବର ପାଇ ପୋଲିସ ଓ ଦମକଳ ବାହିନୀ ପହଞ୍ଚତ୍ ପାଣି ଭିତରୁ କାରକୁ କାଢ଼ିଥିବା ବେଳେ ଜଣଙ୍କ ମୃତଦେହ ଉଦ୍ଧାର କରାଯାଇଛି। ମୃତକଙ୍କ ପାଖରେ ଥିବା ପରିଚୟପତ୍ରରୁ ତାଙ୍କ ନାମ ସନ୍ତୋଷ କୁମାର ପଣ୍ଡା ବୋଲି ଜଣାପଡ଼ିଛି। ପୋଖରୀରେ ଆଉ କେହି ବୁଡ଼ି ଯାଇଥିବା ସନ୍ଦେହ କରି ଦମକଳ ବାହିନୀ ଖୋଜାଖୋଜି କରୁଛନ୍ତି। ଅନ୍ୟପଟେ ପୋଲିସ ଘଟଣାର ତଦନ୍ତ ଆରମ୍ଭ କରିଛି। ସକାଳେ ଏହି ଅଘଟଣ ଘଟିଥିବା ବେଳେ ସ୍ଥାନୀୟ ଲୋକ ଦେଖି ପୋଲିସକୁ ଖବର ଦେଇଥିଲେ। ପୋଖରୀରେ ଅଧିକ ପାଣିଥିବାରୁ କାରଟି ସମ୍ପୂର୍ଣ୍ଣ ବୁଡ଼ି ଯାଇଥିଲା। ସନ୍ଦେହ କରି ଦମକଳ ବାହିନୀ କର୍ମଚାରୀ ପାଣିରେ ବୁଡ଼ି ଖୋଜାଖୋଜି କରିବା ପରେ କାରଟି ମିଳିଥିଲା। ପୋଖରୀରେ ଆଉ କେହି ରହି ଯାଇଥିବା ଆଶଙ୍କା କରି ଖୋଜାଚାଲିଛି। ଘଟଣାସ୍ଥଳରେ ଶହ ଶହ ଲୋକ ଜମା ହୋଇଛନ୍ତି।