ବମାକୋ,୨୩।୪ : କେନ୍ଦ୍ରୀୟ ମାଲିର ଏକ ସାମରିକ ବେସ ନିକଟରେ ହୋଇଥିବା ଆକ୍ରମଣରେ ୧୦ ଜଣଙ୍କର ମୃତ୍ୟୁ ଘଟିଥିବା ବେଳେ ବହୁ ଲୋକ ଆହତ ହୋଇଛନ୍ତି। ମାଲି ସେନାର ମୁଖପାତ୍ର କର୍ନେଲ ସୋଲେମେନ ଡେମ୍ବଲେ ଆସୋସିଏଟେଡ ପ୍ରେସକୁ କହିଛନ୍ତି ମୋପାଟି ଅଞ୍ଚଳର ସେଭରେ ସହରରେ ଥିବା ଏକ ସାମରିକ ଶିବିର ନିକଟରେ କାର ବୋମା ବିସ୍ଫୋରଣ ହୋଇ ଅନେକ ଘର ନଷ୍ଟ ହେବା ସହିତ ଲୋକଙ୍କ ମୃତ୍ୟୁ ଘଟିଛି। ବର୍ତ୍ତମାନ ଏହି ଆକ୍ରମଣ ପାଇଁ କୌଣସି ଆତଙ୍କବାଦୀ ସଂସ୍ଥା ନିଜକୁ ଦାୟୀ କରି ନାହାନ୍ତି।
କିନ୍ତୁ ଇସଲାମିକ ଜିହାଦୀମାନେ ଏହି କ୍ଷେତ୍ରରେ ସକ୍ରିୟ ଅଛନ୍ତି। ଜିହାଦୀମାନେ ପ୍ରାୟ ଏକ ଦଶନ୍ଧି ଧରି ଆତଙ୍କବାଦୀ ଆକ୍ରମଣ କରି ଦେଶରେ ସଙ୍କଟ ସୃଷ୍ଟି କରିଛନ୍ତି। ଯଦିଓ ଏହି ସାମରିକ ବେସକୁ ପୂର୍ବରୁ ଟାର୍ଗେଟ କରାଯାଇଛି, କିନ୍ତୁ ଚଳିତ ବର୍ଷ ଏହା ହେଉଛି ସବୁଠାରୁ ବଡ ଧରଣର ଆକ୍ରମଣ।
