ମଥୁରା,୭ ।୫: ଯମୁନା ଏକ୍ସପ୍ରେସ ୱେରେ ଶନିବାର ସକାଳୁ ଏକ ବଡ ସଡ଼କ ଦୁର୍ଘଟଣା ହୋଇଛି । ମଥୁରା ନିକଟରେ ଏକ କାର ଆଉ ଏକ ଅଜଣା ଗାଡିକୁ ଧକ୍କା ଦେଇଥିବା ସୂଚନା ମିଳିଛି । ଏହା ଏତେ ଭୟଙ୍କର ଥିଲା ଯେ ଘଟଣାସ୍ଥଳରେ ହିଁ ୭ ଜଣଙ୍କର ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ୩ ପୁରୁଷ, ୩ ମହିଳା ଓ ଜଣେ ଶିଶୁ ରହିଛନ୍ତି । ଏହି ଦୁର୍ଘଟଣାରେ ୨ ଜଣ ଆହତ ହୋଇଥିବା ପୋଲିସ ସୂଚନା ଦେଇଛି ।
ପୋଲିସର ସୂଚନା ଅନୁଯାୟୀ, ଏହି ଦର୍ଘଟଣା ନୌହଝିଲ ଅଞ୍ଚଳରେ ମାଇଲଷ୍ଟୋନ ୧୮ରେ ହୋଇଛି । ତେବେ କାର୍ରେ ଯାଉଥିବା ଲୋକେଏକ ବିବାହ ଉତ୍ସବରେ ଯୋଗଦେବାକୁ ନଏଡା ଯାଉଥିଲେ । ଘଟଣାର ଆହତ ହୋଇଥିବା ଜଣେ ପୁରୁଷ ଓ ଜଣେ ଶିଶୁଙ୍କୁ ଚିକିତ୍ସା ଲାଗି ହସ୍ପିଟାଲରେ ଭର୍ତ୍ତି କରାଯାଇଛି ।