ଲଣ୍ଡନ, ୨୫ା୫: ବ୍ରିଟେନ୍ ପ୍ରଧାନମନ୍ତ୍ରୀ ଋଷି ସୁନକ୍ଙ୍କ ଲଣ୍ଡନସ୍ଥିତ ୧୦ ଡାଉନିଂ ଷ୍ଟ୍ରିଟ୍ ବାସଭବନ ଗେଟ୍କୁ ଗୁରୁବାର ଏକ କାର୍ ଧକ୍କା ଦେଇଛି। ଏହି ଘଟଣାରେ ପୋଲିସ ଜଣକୁ ଗିରଫ କରିବା ସହ ତଦନ୍ତ ଜାରି ରଖିଛି। ଉକ୍ତ ଅଞ୍ଚଳକୁ ସୁରକ୍ଷା ବଳ ଘେରି ରହିଛନ୍ତି। ଡାଉନିଂ ଷ୍ଟ୍ରିଟ୍ ଭିତରେ କାର୍ଯ୍ୟ କରୁଥିବା ଅଫିସରମାନଙ୍କୁ ବାହାରକୁ ନ ଯିବା ଲାଗି କୁହାଯାଇଥିଲା। ଏହି ଦୁର୍ଘଟଣାରେ କେହି ଆହତ ହୋଇନାହାନ୍ତି। ତେବେ ଦୁର୍ଘଟଣାବେଳେ ଘରେ ପ୍ରଧାନମନ୍ତ୍ରୀ ସୁନକ ଥିଲେ କି ନାହିଁ, ସ୍ପଷ୍ଟ ହୋଇନାହିଁ।
ସୂଚନାଯୋଗ୍ୟ, ଜଣେ ୧୯ ବର୍ଷୀୟ ଭାରତୀୟ ବଂଶୋଦ୍ଭବ ଏକ ଟ୍ରକ୍ରେ ଜାଣିଶୁଣି ହ୍ବାଇଟ୍ ହାଉସ୍ ପ୍ରଚୀରକୁ ଧକ୍କା ଦେଇଥିଲେ। ସୋମବାର ରାତି ୧୦ଟାରେ ହ୍ବାଇଟ୍ ହାଉସ୍ର ଲାଫାୟେଟ୍ଟେ ପାର୍କ ଉତ୍ତର ପାର୍ଶ୍ୱରେ ଥିବା ସୁରକ୍ଷା ପ୍ରାଚୀରକୁ ଟ୍ରକ୍ରେ ବାରମ୍ବାର ଧକ୍କା ଦେବା ପରେ ଭାରତୀୟ ବଂଶୋଦ୍ଭବ ବରଶିଷ୍ଠ କନ୍ଦୁଲାଙ୍କୁ ଆମେରିକା ପାର୍କ ପୋଲିସ ଗିରଫ କରିଥିଲା।