ଢେଙ୍କାନାଳ,୧୮ା୬ (ରତନ ନାୟାର): ଢେଙ୍କାନାଳ ଜିଲା ସଦର ଥାନା ଭାପୁର ଫାଣ୍ଡି ମହୁଲପୁଞ୍ଜିଠାରେ ରବିବାର ଅପରାହ୍ନରେ ଏକ କାର୍ ଭାରସାମ୍ୟ ହରାଇ ଗଛରେ ପିଟି ହୋଇଯାଇଥିଲା। ଫଳରେ ଘଟଣାସ୍ଥଳରେ କାର୍ରେ ଥିବା ୫ ଯୁବକଙ୍କ ମଧ୍ୟରୁ ୨ ଜଣଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି। ୩ ଜଣଙ୍କୁ ଗୁରୁତର ଅବସ୍ଥାରେ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ମୃତ ଓ ଆହତମାନେ ଖୋର୍ଦ୍ଧା କଳାପଥର ଅଞ୍ଚଳରୁ ଭୋଜି କରିବା ପାଇଁ ମହୁଲପୁଞ୍ଜି ଗ୍ରାମ ଅଞ୍ଚଳକୁ ଆସିଥିଲେ ବୋଲି ପୋଲିସ ସୂତ୍ରରୁ ଜଣାପଡ଼ିଛି। ମୃତ ଏବଂ ଆହତମାନଙ୍କ ପରିଚୟ ମିଳିନାହିଁ।