ନୂଆଦିଲ୍ଲୀ, ୧୫।୧୦: ଦକ୍ଷିଣ-ପଶ୍ଚିମ ଦିଲ୍ଲୀର କ୍ୟାଣ୍ଟନମେଣ୍ଟ ଅଞ୍ଚଳରେ ଚକିତ କଲା ଭଳି ଏକ ଦୃଶ୍ୟ ଦେଖିବାକୁ ମିଳିଛି। ଡ୍ୟୁଟିରେ ଠିଆ ହୋଇଥିବା ଜଣେ ଟ୍ରାଫିକ ପୋଲିସ କର୍ମଚାରୀଙ୍କୁ ଗୋଟିଏ କାର୍ ବନେଟ୍ ଉପରେ ୪୦୦ ମିଟର ପର୍ଯ୍ୟନ୍ତ ନେଇଯାଇଥିଲା। ଏହି ଘଟଣାରେ କାର୍ ଡ୍ରାଇଭର ଶୁଭମ କୁମାର ଖସି ପଳାଇବାରେ ସକ୍ଷମ ହୋଇଥିଲେ ମଧ୍ୟ ପରେ ପରେ ସ୍ଥାନୀୟ ଲୋକଙ୍କ ଦ୍ୱାରା ଧରାପଡ଼ିଥିଲେ।
#JUSTIN: A @dtptraffic constable was dragged on the bonnet of a car in South-West Delhi’s Cantonment area on Monday evening after he tried to stop the vehicle for prosecution as the driver was driving rashly. The accused managed to escape but he was caught later. @IndianExpress pic.twitter.com/q6xklfdyaz
— Mahender Singh Manral (@mahendermanral) October 15, 2020
ପୁରା ଘଟଣା ଦୃଶ୍ୟ ସ୍ଥାନୀୟ ଅଞ୍ଚଳରେ ଲାଗିଥିବା ସିସିଟିଭିରେ ରହିଯାଇଛି।
ଫୁଟେଜରୁ ଜଣାପଡ଼ିଛି ଯେ, ଘୋଲାକୁଆଁ ନିକଟସ୍ଥ ଷ୍ଟେସନ ରୋଡ୍ର ଜନ ଗହଳିପୂର୍ଣ୍ଣ ରାସ୍ତାରେ ଗୋଟିଏ ଆଇ-୨୦ କାର୍ ଦ୍ରୁତ ଗତିରେ ଆସୁଛି। କାର୍ର ବନେଟ୍ ଉପରେ ମହିପାଲ ନାମକ ଜଣେ ଟ୍ରାଫିକ ପୋଲିସ କର୍ମଚାରୀ ଝୁଲିକି ରହିଛନ୍ତି ଏବଂ କାର୍ ଚାଳକ ଜିଗ୍-ଜାଗ୍ ଭାବେ ଦ୍ରୁତ ଗତିରେ ଗାଡ଼ି ଚଳାଉଛନ୍ତି। ଦ୍ରୁତ ଗତିରେ ଥିବା କାର୍ରେ ନିଜକୁ ସମ୍ଭାଳି ରଖିବା ପାଇଁ ଟ୍ରାଫିକ କର୍ମଚାରୀଜଣଙ୍କ ଓ୍ବାଇପର୍କୁ ଜାବୁଡ଼ି ଧରି ରଖିବାକୁ ଚେଷ୍ଟା କରୁଛନ୍ତି। କିନ୍ତୁ ଶେଷରେ ମହିପାଲ୍ ବନେଟ୍ରୁ ଖସି ରାସ୍ତାରେ ପଡ଼ି ଯାଇଛନ୍ତି। ଏହାପରେ କାର୍ଟି ଦ୍ରୁତ ଗତିରେ ପଳାଇଥିଲା। ତେବେ ୨ କିଲୋମିଟର ପରେ ଲୋକମାନେ କାର୍ ଚାଳକ ଶୁଭମକୁ କାବୁ କରିବାରେ ସକ୍ଷମ ହୋଇଥିଲେ।
ଏହି ଘଟଣାରେ ପୋଲିସ ଶୁଭମଙ୍କ ସମେତ ତାଙ୍କ ଜଣେ ସାଙ୍ଗକୁ ଗିରଫ କରିଛି। ପୋଲିସ ପକ୍ଷରୁ କୁହାଯାଇଛି, ଦିଲ୍ଲୀ କ୍ୟାଣ୍ଟ ଆଡ଼କୁ କାର୍ଟି ଦ୍ରୁତ ଗତିରେ ଯାଉଥିଲା। କାର୍ରେ ଫ୍ୟାନ୍ସି ନମ୍ବର ପ୍ଲେଟ୍ ଲାଗିଥିବାବେଳେ ଏହା ଜିଗ୍-ଜାଗ୍ ଶୈଳୀରେ ଚାଲୁଥିଲା। ତେଣୁ ଟ୍ରାଫିକ କର୍ମଚାରୀ ମହିପାଲ୍ କାର୍କୁ ଅଟକିବା ପାଇଁ ସିଗ୍ନାଲ ଦେଇଥିଲେ। କାର୍ ଅଟକିବା ପରେ ଗାଡ଼ି ସାମ୍ନାରେ ମହିପାଲ୍ ଠିଆ ହୋଇଥିଲେ। କିନ୍ତୁ ଏହି ସମୟରେ କାର୍ ଡ୍ରାଇଭର ଶୁଭମ ଗାଡ଼ି ଷ୍ଟାର୍ଟ କରି ପଳାଇଥିଲେ। ଫଳରେ ଜୀବନ ବଞ୍ଚାଇବାକୁ ମହିପାଲ୍ ବନେଟ୍ରେ ଝୁଲି ରହିଯାଇଥିଲେ।
