କବିସୂର୍ଯ୍ୟନଗର,୧ା୭(ଡି.ଏନ୍.ଏ.)- ଗଞ୍ଜାମ ଜିଲାରେ କରୋନା ସଂକ୍ରମିତ ଓ ମୃତକଙ୍କ ସଂଖ୍ୟା ବଢୁଥିବାବେଳେ ଲୋକେ ମଧ୍ୟ ଭୟଭୀତ ହୋଇଗଲେଣି। କରୋନା ଭୟରେ ମୃତଦେହକୁ କାନ୍ଧ ଦେବାକୁ ଆସିଲେନି ଆତ୍ମୀୟସ୍ବଜନ। ଶେଷରେ ପ୍ରଶାସନର ହସ୍ତକ୍ଷେପ ପରେ ପରିବାର ଲୋକେ ଜେସିବିରେ ଗାତଖୋଳି ମୃତଦେହ ପୋତି ଦେଇଛନ୍ତି। ଏପରି ଘଟଣା ସୋମବାର ଦେଖିବାକୁ ମିଳିଛି ଗଞ୍ଜାମ ଜିଲା କବିସୂର୍ଯ୍ୟନଗରରେ।
କବିସୂର୍ଯ୍ୟନଗର ଗୋପିନାଥପାଟଣା ସାହିର ଗୋଟିଏ ପରିବାରର ୨ ଭାଇ ଓ ଜଣେ ଭଉଣୀ। ବଡ଼ ଭଉଣୀ ଓ ଭାଇ ଅତ୍ୟନ୍ତ ଗରିବ ଯୋଗୁ ବାହା ହୋଇ ପାରି ନ ଥିଲେ। ମାତ୍ର ସାନଭାଇକୁ ବାହା କରାଇଥିଲେ। ତାଙ୍କର ଗୋଟିଏ ପୁଅ ଓ ସେ ମଧ୍ୟ କିଡ୍ନୀ ରୋଗରେ ଆକ୍ରାନ୍ତ। ବିଭିନ୍ନ ସ୍ଥାନରେ ବୁଲି ଦାନ୍ତକାଠି ଓ ପାମ୍ପଡ ବିକି ଏମାନେ ପରିବାର ପ୍ରତିପୋଷଣ କରନ୍ତି। ତେବେ କରୋନା କଟକଣା ଯୋଗୁ ତାହା ମଧ୍ୟ ବନ୍ଦ ହୋଇଯାଇଛି। ୪ଦିନ ତଳେ ବଡ ଭାଇଙ୍କୁ ଜ୍ୱର ହେବାରୁ କବିସୂର୍ଯ୍ୟନଗରରେ ମେଡିକାଲରେ ଭର୍ତ୍ତି କରାଯାଇଥିଲା। ମାତ୍ର ଭଲ ନ ହେବାରୁ ସୋମବାର କୋଭିଡ୍ ହସ୍ପିଟାଲ ନେବାକୁ ପ୍ରସ୍ତୁତି ଚାଲିଥିବାବେଳେ ମୃତ୍ୟୁ ହୋଇଯାଇଥିଲା। ଅପରାହ୍ନରେ ମୃତଦେହ ଗଁାକୁ ଆସିଥିଲେ ମଧ୍ୟ କେହି ଛୁଇଁ ନ ଥିଲେ। ଭାଇ ଭଉଣୀ ମୃତଦେହକୁ ଆମ୍ବୁଲାନ୍ସରୁ ଓହ୍ଲାଇଥିଲେ। ପ୍ରଶାସନ ପାଖରେ ଖବର ପହଞ୍ଚତ୍ବାରୁ ଜେସିବି ଦ୍ୱାରା ମୁଖ୍ୟରାସ୍ତା କଡରେ ଗାତଖୋଳି ମୃତଦେହ ପୋତି ଦିଆଯାଇଥିଲା।