ରଘୁନାଥପୁର,୧୩ା୧୨(ଡି.ଏନ୍.ଏ.)-ଜଗତ୍ସିଂହପୁର ଜିଲା ରଘୁନାଥପୁର ଥାନା କଟକ ପାରାଦୀପ ରାସ୍ତାର ଗୋପାଳପୁରଠାରେ ରବିବାର ଏକ କାର ଓ ବାଇକ୍ ମୁହଁାମୁହିଁ ଧକ୍କା ହୋଇ ସମ୍ପୂର୍ଣ୍ଣ ଜଳି ଯାଇଛି। ଦୁର୍ଘଟଣାରେ ବାଇକ ଚାଳକଙ୍କ ମୃତ୍ୟୁ ଘଟିଛି। ସେ ହେଲେ କୃଷ୍ଣାନନ୍ଦପୁର ପଞ୍ଚାୟତ ମନୁମହଲାର ଶେଖ କରାମତ ଅଲ୍ଲି(୫୮)। ପ୍ରତ୍ୟକ୍ଷଦର୍ଶୀଙ୍କ ସୂଚନା ଅନୁଯାୟୀ, ଅଲ୍ଲୀ ଅପରାହ୍ନରେ ଗୋପାଳପୁର ରାସ୍ତାରେ ବାଇକ୍ରେ ଯାଉଥିଲେ। ଏହି ସମୟରେ କଟକ ପଟୁ ଆସୁଥିବା ଏକ କାର ଅନ୍ୟ ଏକ ଗାଡ଼ିିକୁ ଓଭରଟେକ କରିବାକୁ ଯାଇ ଅଲ୍ଲୀଙ୍କ ବାଇକ୍ ସହ ମୁହଁାମୁହିଁ ଧକ୍କା ହୋଇଥିଲା। ଫଳରେ ଉଭୟଗାଡ଼ି ଘଟଣାସ୍ଥଳରେ ଜଳିଯିବା ସହ ଅଲ୍ଲୀଙ୍କ ମୃତ୍ୟୁ ଘଟିଥିଲା।