ଲକ୍ଷ୍ନୌ, ୨୭ା୩ : ଉତ୍ତରପ୍ରଦେଶ ଆମେଠି ଜିଲା ଅନ୍ତର୍ଗତ ମାଣ୍ଡଖା ଗ୍ରାମର ଜଣେ କୃଷକ ଏକ ବିରଳ ସାରସର ଜୀବନ ବଞ୍ଚାଇଥିବାବେଳେ ବନ୍ୟପ୍ରାଣୀ ଆଇନ ଉଲ୍ଲଂଘନ ଅଭିଯୋଗରେ ତାଙ୍କ ନାଁରେ ମାମଲା ରୁଜୁ ହୋଇଛି। ବନ୍ୟପ୍ରାଣୀ କର୍ମଚାରୀ ମହମ୍ମଦ ଅରିଫ୍ ନାମକ କୃଷକଙ୍କଠାରୁ ଉକ୍ତ ସାରସକୁ ଜବତ କରିଛନ୍ତି। ଅରିଫ୍ ଗତବର୍ଷ ତାଙ୍କ ବିଲରୁ ସାରସ ପକ୍ଷୀକୁ ମୁମୂର୍ଷୁ ଅବସ୍ଥାରେ ପାଇ ଚିକିତ୍ସା କରି ସୁସ୍ଥ କରିଥିଲେ।
ପକ୍ଷୀଟି ସୁସ୍ଥ ହେବା ପରେ ଉଡ଼ି ନ ଯାଇ ତାଙ୍କ ଘରେ ରହିଥିଲା ଓ ଅରିଫ୍ଙ୍କ ପରିବାରର ସଦସ୍ୟ ପାଲଟିଯାଇଥିଲା। ବନ୍ୟ ପ୍ରାଣୀ ଆଇନ ଅନୁଯାୟୀ ବିରଳ ପକ୍ଷୀକୁ ଘରେ ରଖିବା ଓ ଖାଇବାକୁ ଦେବା ବେଆଇନ। ଗତ ୨୧ ତାରିଖରେ ସାରସକୁ ଅଧିକାରୀମାନେ ଜବତ କରିବା ସହ ବନ୍ୟପ୍ରାଣୀ ଅଭୟାରଣ୍ୟକୁ ନେଇଯାଇଥିଲେ। ୨୪ ତାରିଖରେ ଅରିଫ୍ଙ୍କୁ ଗୌରିଗଞ୍ଜ ଉପଖଣ୍ଡ ବନ ଅଧିକାରୀ ଜେରା ପାଇଁ ସମନ କରିଥିଲେ। ବନ୍ୟପ୍ରାଣୀ ଆଇନ ଉଲ୍ଲଂଘନ ନେଇ ତାଙ୍କ ବିରୋଧରେ ମାମଲା ରୁଜୁ ହୋଇଛି।