ଆମେରିକାର ଚିକାଗୋ ସହରର ଏକ ବିଲେଇର ଭିଡିଓ ଏବେ ଖୁବ୍ ଭାଇରାଲ ହେଉଛି। ବିଲେଇଟି ୫ ମହଲା କୋଠାର ଝରକା ପଟେ ତଳକୁ ଡେଇଁ ପଡ଼ିଥିଲା। କାରଣ ଏହି ମହଲାରେ ନିଆଁ ଲାଗିଥିବାରୁ ନିଜ ଜୀବନ ରକ୍ଷା କରିବା ପାଇଁ ସେ ଏପରି କରିଥିଲା। ଯାହାକି ଲୋକଙ୍କୁ ଆଶ୍ଚର୍ଯ୍ୟ କରିଥିଲା। ଲୋକେ ଏହାକୁ ଫ୍ଲାଇଙ୍ଗ୍ କ୍ୟାଟ୍ ନାମ ଦେଇଛନ୍ତିି। ବର୍ତ୍ତମାନ ଏହି ବିଲେଇଟି କେଉଁଆଡ଼େ ଅନ୍ତର୍ଦ୍ଧାନ ହୋଇଯାଇଛି।
ଚିକାଗୋ ଫାୟାର ଡିପାର୍ଟମେଣ୍ଟ ପକ୍ଷରୁ ଟୁଇଟ୍ ଯୋଗେ ଏହି ଭିଡିଓକୁ ଶେୟାର କରାଯାଇଥିଲା। ଯେଉଁଥିରେ ଏକ ୫ ମହଲା କୋଠାର ଝରକାରୁ କଳା ବିଲେଇଟି ଡେଇଁ ପଡ଼ିଥିଲା। କାରଣ ନିଆଁରୁ ରକ୍ଷା ପାଇବା ପାଇଁ ବିଲେଇଟି ଏପରି କରିଥିଲା।
ଭିଡିଓରେ ଝରକା ପଟେ ଅତି ସାବଧାନତାର ସହ ବିଲେଇଟି ବାହାରକୁ ବାହାରୁଥିବା ଦେଖିବାକୁ ମିଳିଛି। ଯେଉଁଠୁ ଜୋର୍ରେ ଧୂଆଁ ବାହାରୁଥିବା ମଧ୍ୟ ଦେଖିବାକୁ ମିଳିଛି। ଏହା ପରେ ବିଲେଇ ଉପରକୁ ଯାଇ ତଳକୁ କୁଦା ମାରୁଛି। ତଳକୁ ଆସିବା ପରେ ବିଲେଇ କେଉଁଆଡ଼େ ଗଲା କେହି ପାଇଲେ ନାହିଁ। ବର୍ତ୍ତମାନ ଏହି ବିଲେଇ ନିଖୋଜ ଅଛି। ଚିକାଗୋ ଅଗ୍ନିଶମ ବିଭାଗ ପକ୍ଷରୁ କରାଯାଇଥିବା ଟୁଇଟ୍ରେ ଏହି ବିଲେଇର ମାଲିକ କୁହନ୍ତିି, ବିଲେଇ ଘରକୁ ଆସିନାହିଁ।
ଭିଡିଓଟିକୁ ବର୍ତ୍ତମାନ ୧୦ ଲକ୍ଷରୁ ଅଧିକ ଲୋକ ଦେଖିସାରିଥିବା ବେଳେ ପ୍ରାୟ ୫୦୦୦ ଲୋକ ରିଟୁଇଟ୍ କରିଛନ୍ତି। କିଛି ଲୋକ ବିଲେଇ ଭଲରେ ଭଲରେ ଫେରି ଆସିବାକୁ ଭଗବାନଙ୍କ ନିକଟରେ ପ୍ରାର୍ଥନା ମଧ୍ୟ କରୁଛନ୍ତି।