ମଣିଷ ପାଇଁ ସବୁଠୁ ବିଶ୍ୱସ୍ତ ପ୍ରାଣୀ କୁକୁର ବୋଲି ଆମେ ସମସ୍ତେ ଜାଣିଛେ। ପ୍ରାୟତଃ ସୋସିଆଲ ମିଡିଆରେ କୁକୁର ଏବଂ ମାଲିକଙ୍କ ମଧ୍ୟରେ ଥିବା ଭଲପାଇବା ଜଡ଼ିତ ହୃଦୟସ୍ପର୍ଶୀ କାହାଣୀ ଶୁଣିଥାଉ ବା ଦେଖିଥାଉ। ଏବେ ଏକ ବିଲେଇ ମଧ୍ୟ ଜଣେ ମାଲିକଙ୍କ ବିଶ୍ୱସ୍ତ ହୋଇଥିବା ପ୍ରମାଣିତ ହୋଇଛି।
ସର୍ବିଆର ଶେଖ ମୁଏମର ଜୁକୋରଲିଙ୍କ ପୋଷା ବିଲେଇ ବିଷୟରେ କହୁଛୁ। ୬ ନଭେମ୍ବର ୨୦୨୧ରେ ଜୁକୋରଲିଙ୍କ ମୃତ୍ୟୁ ପରେ ପ୍ରତିଦିନ ବିଲେଇଟି ତାଙ୍କ କବର ପାଖରେ ବସୁଛି। ଯାହାକୁ ନେଇ ବିଲେଇଟି ଚର୍ଚ୍ଚାରେ ରହିଛି। ବର୍ତ୍ତମାନ ଫଟୋଟି ସୋସିଆଲ ମିଡିଆରେ ଭାଇରାଲ ହେଉଛି। ଯେଉଁଥିରେ ଜୁକୋରଲିଙ୍କ ବରଫ ଆଚ୍ଛାଦିତ କବର ଉପରେ ବିଲେଇଟି ଶାନ୍ତ ଭାବରେ ବସିଛି। ଏଥିରେ କ୍ୟାପଶନ ଲେଖା ହୋଇଛି, ମାଲିକଙ୍କ ପାଖରେ ତାଙ୍କ ବିଲେଇ ଅଛି।
ମାଲିକଙ୍କ ମୃତ୍ୟୁର ଦୁଇମାସ ପରେ, କବର ନିକଟରେ ବିଲେଇର ଉପସ୍ଥିତି ଲୋକଙ୍କୁ ଭାବପ୍ରବଣ କରିଛି। କେହି କେହି କହିଛନ୍ତି, ବିଲେଇ କେତେ ବିଶ୍ୱସ୍ତ। ସେହିପରି ଆଉ ଜଣେ ୟୁଜର ଲେଖିଛନ୍ତି, କୁକୁର ଛାଡ଼ି ସମସ୍ତେ ବିଲେଇ ପୋଷ।