ସାଧାରଣତଃ ଚୋର ବିଭିନ୍ନ ସାମଗ୍ରୀ ଚୋରି କରୁଥିବାର ଜାଣିଥିବେ। ମାତ୍ର ଗୋଟିଏ ବିଲେଇ ଯେ, କୁଖ୍ୟାତ ଚୋର ଏହା ଜାଣିଲେ ଆଶ୍ଚର୍ଯ୍ୟ ଲାଗେ। କିନ୍ତୁ ଏହା ସତ। ଏବେ ବିଲେଇ ଏକ ନୂଆ କାଣ୍ଡ ଭିଆଇଛି। ପୂର୍ବରୁ ମହିଳାମାନଙ୍କ ଅନ୍ତଃବସ୍ତ୍ର ଚୋରି କରୁଥିଲା। ଏବେ ଆଉ କିଛି କାରନାମା କରିଛି। ଜାଣନ୍ତୁ ଏହି କୁଖ୍ୟାତ ବିଲେଇ ସମ୍ପର୍କରେ…
ଏହି ବିଲେଇର ନାମ କିଥ୍। ବିଲେଇଟି ନ୍ୟୁଜିଲାଣ୍ଡର ଖ୍ରୀଷ୍ଟ୍ ଚର୍ଚ୍ଚରେ ରହେ। ଏହି ବିଲେଇ ପଡ଼ୋଶୀମାନଙ୍କ ଜିନିଷ ମଧ୍ୟ ଚୋରି କରିଥାଏ। ଗତ ୩ ବର୍ଷ ଧରି ଏପରି ଚୋରି କରିଆସୁଛି।
ଆଗରୁ କେବଳ ମହିଳାଙ୍କ ଅନ୍ତଃବସ୍ତ୍ର ଚୋରି କରୁଥିଲା। ଏବେ ଆଉ ପାଦେ ଆଗକୁ ବଢ଼ିଛି। ବଙ୍ଗ୍ ଏବଂ ଜିପ୍ ଲଗ୍ ବ୍ୟାଗ୍ ଚୋରି କରିନେଇଛି। ଏହି ବ୍ୟାଗ୍ରେ ବ୍ରାଉନ ସୁଗାର ଥିଲା।
ବିଲେଇର ମାଲିକ ଗିନ୍ନି ଏବଂ ଡେଭିଡ୍ କହିଛନ୍ତି, ବିଗତ ଦିନରେ ଚର୍ଚ୍ଚରୁ କିଛି ଜିନିଷ ଚୋରି କରିଥିଲା। ଏଥିରେ ପ୍ୟାଣ୍ଟି, ବ୍ରା ଏବଂ ଜୋତା ଥିଲା।
ଏକ ରିପୋର୍ଟ ଅନୁଯାୟୀ, ଜଣେ ସ୍ଥାନୀୟ ପୋଲିସ ଅଧିକାରୀ କହିଛନ୍ତି, ବିଲେଇ ଏଥର ବଡ଼ ଅପରାଧୀ ପରି ଚୋରି କରିଛି। ଯାହାକି ତାଙ୍କ ଚିନ୍ତା ବଢ଼ାଇ ଦେଇଛି। ଏଥର ବିଲେଇ ବ୍ରାଉନ ସୁଗାର ଚୋରି କରିଛି। ବିଲେଇକୁ ଏହି ବିଷୟରେ ପଚରାଉଚରା କରାଯିବ ବୋଲି ପୋଲିସ ଅଧିକାରୀ ଜଣଙ୍କ କହିଛନ୍ତି।