ଭଣ୍ଡାରିପୋଖରୀ, ୧୯।୬ (ରବିନାରାୟଣ ଖିଲାର): ଭଦ୍ରକ ଜିଲା ଭଣ୍ଡାରିପୋଖରୀ ଥାନା ପୋଲିସ ରବିବାର ରାତିରେ ଏକ ଗୋରୁ ବୋଝେଇ ଟ୍ରକ୍ ଜବତ କରିଛି। ସୂଚନା ଅନୁଯାୟୀ, ଟ୍ରକ୍ଟି କଟକ ପଟୁ ୧୯ ଗୋରୁଙ୍କୁ ବୋଝେଇ କରି ବାଲେଶ୍ୱର ଅଭିମୁଖେ ଆସୁଥିବା ବେଳେ ପାଟ୍ରୋଲିଂ କରୁଥିବା ପୋଲିସ ନଜରରେ ପଡ଼ିଥିଲା। ପୋଲିସ ଗାଡ଼ିକୁ ଦେଖି ଟ୍ରକ୍ଟି ଦ୍ରୁତଗତିରେ ଯିବା ପାଇଁ ଚେଷ୍ଟା କରିଥିବା ବେଳେ ଭଦ୍ରକ ନିକଟରେ ପୋଲିସ ଜବତ କରିଥିଲା। ଘଟଣାସ୍ଥଳରୁ ଚାଳକ ଫେରାର ହୋଇଯାଇଛନ୍ତି। ଉଦ୍ଧାର ଗୋରୁଙ୍କୁ ଗୋଶାଳାରେ ଛଡ଼ାଯାଇଛି। ଏ ନେଇ ଥାନାରେ ଏକ ମାମଲା ରୁଜୁ ହୋଇଛି।