ପାଟଣା,୧୮ା୭(ସ୍ବ.ପ୍ର.): କେନ୍ଦୁଝର ଜିଲା ପାଟଣା ବ୍ଲକ କ୍ଷୀରେଇ ଟାଙ୍ଗିରି ଦେଇ ଯାଇଥିବା ୪୯ ନମ୍ବର ଜାତୀୟ ରାଜପଥର କ୍ଷୀରେଇଟାଙ୍ଗିରି ଟୋଲ୍ଗେଟ ନିକଟରୁ ରବିବାର ବିଳମ୍ବିତ ରାତିରେ ଏକ ଗୋରୁ ବୋଝେଇ ପିକ୍ଅପ୍କୁ ବଜରଙ୍ଗ ଦଳର କର୍ମୀମାନେ ଅଟକ ରଖି ଗାଡ଼ିରୁ ୯ ଗୋରୁ ଉଦ୍ଧାର କରିଛନ୍ତି। ଏଥି ସହ ବେଆଇନ ଗୋଚାଲାଣ କରୁଥିବା ୩ଜଣ ବ୍ୟକ୍ତିଙ୍କୁ ଧରି ତୁରୁମୁଙ୍ଗା ପୋଲିସର ଜିମା ଦେଇଛନ୍ତି।
ସୂଚନା ଯେ, ଉକ୍ତ ସମୟରେ ଅନ୍ୟ ଦୁଇ ଗୋରୁ ବୋଝେଇ ଟ୍ରକ୍ ଟୋଲ୍ଗେଟର ବୁମ୍କୁ ଭାଙ୍ଗି ପଳାଇ ଯିବାକୁ ସକ୍ଷମ ହୋଇଛନ୍ତି। ଫେରାର ଘଟଣାସ୍ଥଳରେ ତୁରୁମୁଙ୍ଗା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି। ତେବେ ଏକ ମାସ ପୂର୍ବରୁ ଏହିଭଳି ସମାନ ଢଙ୍ଗରେ ଟୋଲଗେଟ୍ ବୁମ୍ ଭାଙ୍ଗି ଗୋରୁ ବୋଝେଇ ଟ୍ରକ ଫେରାର ହୋଇ ଯାଇଥିବା ବେଳେ ପୋଲିସ ଏ ପର୍ଯ୍ୟନ୍ତ ଉକ୍ତ ଗାଡ଼ିକୁ ଧରିବାରେ ସଫଳ ହୋଇ ପାରିନାହିଁ।