ପାଟଣା,୨୭। ୩(ସ୍ବ. ପ୍ର.): କେନ୍ଦୁଝର ଜିଲା ପାଟଣା ବ୍ଲକ ଦେଇ ଯାଇଥିବା ୪୯ ନଂ. ଜାତୀୟ ରାଜପଥ ହାତୀବାରୀ ନିକଟରୁ ରବିବାର ସକାଳୁ ଟ୍ରକ୍ ବୋଝେଇ ଗୋରୁ ଜବତ ହୋଇଛି । ଖବରପାଇ ତୁରୁମୁଙ୍ଗା ପୋଲିସ ଚଢ଼ାଉ କରି ଟ୍ରକ୍ ବୋଝେଇ ଗୋରୁ ଜବତ କରିଛି। ଦୟନୀୟ ଅବସ୍ଥାରେ ଗୋଡ଼ ବନ୍ଧା ଅବସ୍ଥାରେ ୨୧ଟି ଗୋରୁଙ୍କୁ ପୋଲିସ ଉଦ୍ଧାର କରିଛି। ଗୋରୁଙ୍କୁ ବରଗଡ଼ ଅଞ୍ଚଳକୁ ନେଇ କୋଲକାତା ଅଭୁମୁଖେ ଚାଲାଣ କରାଯାଉଥିବା ବେଳେ ପୋଲିସ ଚଢ଼ାଉ କରିଥିଲା। ପାଲିସ ଗାଡ଼ି ଦେଖି ଡ୍ରାଇଭର ଫେରାର ହୋଇ ଯାଇଥିଲେ। ସମସ୍ତ ଗୋରୁଙ୍କୁ ପ୍ରାଥମିକ ଚିକିତ୍ସାରେ କରଞ୍ଜିଆ ଗୋ’ଶାଳାରେ ଛଡ଼ାଯିବ ବୋଲି ଥାନା ଅଧିକାରୀ ମଦନମୋହନ ନାଏକ କହିଛନ୍ତି।