ନୂଆଦିଲ୍ଲୀ,୪।୯: ଚଳିତ ଆର୍ଥିକ ବର୍ଷର ପ୍ରଥମ ୫ମାସ (୧ଏପ୍ରିଲରୁ ଅଗଷ୍ଟ ୩୧) ମଧ୍ୟରେ ୧.୧୪ ଟ୍ରିଲିୟନରୁ ଅଧିକ ଟଙ୍କା ୧୯.୭ ମିଲିୟନରୁ ଅଧିକ ଟିକସଦାତାଙ୍କୁ ଫେରସ୍ତ କରାଯାଇଥିବା ଶନିବାର ସେଣ୍ଟ୍ରାଲ ବୋର୍ଡ ଅଫ୍ ଡାଇରେକ୍ଟ ଟ୍ୟାକ୍ସ (ସିବିଡିଟି) ପକ୍ଷରୁ କୁହାଯାଇଛି। ସେହିଭଳି ୧୯,୬୦୦,୯୯୮ ମାମଲାରେ ୬୧,୨୫୨ କୋଟି ଟଙ୍କାର ଆୟକର ଫେରସ୍ତ ଏବଂ ୧,୪୬,୮୭୧ ମାମଲାରେ ୫୩,୧୫୮ କୋଟି ଟଙ୍କାର କର୍ପୋରେଟ୍ ଟ୍ୟାକ୍ସ ରିଫଣ୍ଡ ଜାରି କରାଯାଇଥିବା ଜଣାପଡିଛି। ଏପରିକି ସିବିଡିଟିର ସୂଚନା ଅନୁଯାୟୀ ୨୦୨୨ ଏପ୍ରିଲ ୧ ରୁ ଅଗଷ୍ଟ ୩୧ ମଧ୍ୟରେ ୧.୯୭ କୋଟିରୁ ଅଧିକ ଟିକସଦାତାଙ୍କୁ ୧.୧୪ ଲକ୍ଷ କୋଟିରୁ ଅଧିକ ଟଙ୍କା ରିଫଣ୍ଡ ପ୍ରଦାନ କରାଯାଇଛି। ସେହିଭଳି ୧୯,୬୦୦,୯୯୮ ମାମଲାରେ ୬୧,୨୫୨ କୋଟି ଟଙ୍କା ଆୟକର ଫେରସ୍ତ ଏବଂ ୧୪୬,୮୭୧ ମାମଲାରେ ୫୩,୧୫୮ କୋଟି ଟଙ୍କା କର୍ପୋରେଟ ଟ୍ୟାକ୍ସ ଫେରସ୍ତ ପ୍ରଦାନ କରାଯାଇଛି ବୋଲି ସିବିଡିଟି କହିଛି।
ଅପରପକ୍ଷରେ ଆୟକର ବିଭାଗ କହିଛି, ୨୦୨୧-୨୨ରେ ସମାନ ଅବଧି ମଧ୍ୟରେ କର୍ପୋରେଟ ସଂସ୍ଥାଙ୍କଠାରୁ ଟିକସ ସଂଗ୍ରହ ୩୪% ବୃଦ୍ଧି ପାଇଛି। ଯାହା ସୂଚାଇ ଦେଇଛି ଯେ ସ୍ବଳ୍ପ ହାରରେ ସରଳୀକୃତ ଟିକସ ବ୍ୟବସ୍ଥା ଯୋଗୁ ପରିସ୍ଥିତିର ସୁଧାର ଆସିଛି। ଏପ୍ରିଲ୍ରୁ ଜୁଲାଇ ମାସ ମଧ୍ୟରେ କର୍ପୋରେଟ୍ ଟିକସ ସଂଗ୍ରହ ୭.୨୩ ଟ୍ରିଲିୟନ ଟଙ୍କାରେ ପହଞ୍ଚିଛି, ଯାହା ୨୦୨୦-୨୧ ଆର୍ଥିକ ଟିକସ ସଂଗ୍ରହ ତୁଳନାରେ ୫୮% ରୁ ଅଧିକ ଅଭିବୃଦ୍ଧି ପଞ୍ଜୀକୃତ ହୋଇଛି ବୋଲି ବିଭାଗ ମତବ୍ୟକ୍ତ କରିଛି।