କଣ୍ଟାବାଞ୍ଜି,୧୬ା୬: ପୁଣି ଥରେ ମମିତା ମେହେର ହତ୍ୟାକାଣ୍ଡ ଘଟଣାର ତଦନ୍ତ ପାଇଁ ଦାବି ହୋଇଛି। ମମିତାଙ୍କ ପରିବାରକୁ ରବିବାର ଭେଟିଛନ୍ତି ନବ ନିର୍ବାଚିତ ବିଧାୟକ ଲକ୍ଷ୍ମଣ ବାଗ। କଣ୍ଟାବାଞ୍ଜି ଝରନୀସ୍ଥିତ ମମିତାଙ୍କ ଘରକୁ ଭେଟିବାକୁ ଲକ୍ଷ୍ମଣ ଯାଇଥିବା ବେଳେ ଏଯାବତ୍ ତାଙ୍କୁ ନ୍ୟାୟ ମିଳିନି ବୋଲି ମମିତାଙ୍କ ବାପା ଅଭିଯୋଗ କରିଛନ୍ତି।
ଅଭିଯୁକ୍ତ ଗୋବିନ୍ଦ ସାହୁଙ୍କ ଜେଲ୍ରେ ମୃତ୍ୟୁ ପରେ ତଦନ୍ତ ଆଉ ଆଗଉନି ବୋଲି ମମିତାଙ୍କ ବାପା କହିଛନ୍ତି। ସିବିଆଇ ତଦନ୍ତ ଦାବିରେ ନେହୁରା ହୋଇ ନିରାଶ ହୋଇଥିବା ସେ କହିଛନ୍ତି। ଅନ୍ୟପକ୍ଷରେ ଓଡ଼ିଶା ସରକାରଙ୍କୁ ସିବିଆଇ ତଦନ୍ତ ପ୍ରସ୍ତାବ ଦେବାକୁ ବିଧାୟକ ଲକ୍ଷ୍ମଣ ନାୟକ ପ୍ରତିଶ୍ରୁତି ଦେଇଛନ୍ତି।