ପାଟନା,୬।୩: ଜମି ବଦଳରେ ଚାକିରି ସ୍କାମ ମାମଲାରେ ଆରଜେଡି ନେତା ତଥା ବିହାରର ପୂର୍ବତନ ମୁଖ୍ୟମନ୍ତ୍ରୀ ରାବ୍ରି ଦେବୀଙ୍କ ଘରେ ସୋମବାର ସିବିଆଇ ଟିମ ପହଞ୍ଚି ପଚରାଉଚରା କରିଛି। ସିବିଆଇ ତଦନ୍ତ ସମ୍ପର୍କରେ ରାବ୍ରିଙ୍କ ପୁଅ ତଥା ବିହାରର ଉପମୁଖ୍ୟମନ୍ତ୍ରୀ ତେଜସ୍ବୀ ଯାଦବ ଗଣମାଧ୍ୟମକୁ କହିଛନ୍ତି, ଆପଣ କୁହନ୍ତୁ ଯେ ମନ୍ତ୍ରୀ ଦସ୍ତଖତ କରିଦେଲେ ଜଣେ ଚାକିରି ପାଇଯିବ କି? ଯେଉଁ ଦିନ ଆମର ମହାମେଣ୍ଟ ସରକାର ଗଠନ ହୋଇଥିଲା, ସେଦିନ ସେ କହିଥିଲେ ଯେ ଏହି ପ୍ରକ୍ରିୟା ଜାରି ରହିବ। ଯଦି ଆପଣ ଭାଜପା ସହିତ ରୁହନ୍ତି ତେବେ ରାଜା ହରିଶ୍ଚନ୍ଦ୍ର। ଯଦି ଭାଜପାକୁ ପ୍ରଶ୍ନ କରନ୍ତି, ତେବେ ଏହିପରି ଘଟେ। କିଛି ଗୁରୁତ୍ୱପୂର୍ଣ୍ଣ ନୁହେଁ। ସମୟ ଉପରେ ତୁମେ ଯାହା ଆକଳନ କରିବାକୁ ଚାହୁଁଛ ତାହା କର। ଏହା କିଛି ଫରକ ପକାଇବ ନାହିଁ। ବିହାରର ଲୋକମାନେ ଏହା ଉପରେ ନଜର ରଖିଛନ୍ତି। କୌଣସି ସ୍କାମ ହୋଇନାହିଁ।
ସୂଚନାଯୋଗ୍ୟ, ଜମି ବଦଳରେ ଚାକିରି ସ୍କାମ ମାମଲାରେ ରାବ୍ରି ଦେବୀଙ୍କୁ ସିବିଆଇ କାର୍ଯ୍ୟାଳୟରେ ହାଜର ହେବାକୁ ସମନ ଜାରି କରାଯାଇଥିଲା। କିନ୍ତୁ ସେ ହାଜର ନ ହେବାରୁ ସିବିଆଇ ଟିମ ପାଟନାସ୍ଥିତ ବାସଭବନରେ ପହଞ୍ଚି ପଚରାଉଚରା କରୁଛି।