ଚଣ୍ଡିଗଡ଼, ୧୫।୫: ଚଣ୍ଡିଗଡର ଦୃଷ୍ଟିବାଧିତା କାଫି ସିବିଏସ୍ଇ ୧୦ମ ଶ୍ରେଣୀ ପରୀକ୍ଷାରେ ୯୫.୨% ନମ୍ବର ରଖି କୃତକାର୍ଯ୍ୟ ହୋଇଛନ୍ତି। କାଫି ଏବେ ପାଲଟିଛନ୍ତି ଅନେକ ପିଲାଙ୍କ ପାଇଁ ପ୍ରେରଣା। ରେଜଲ୍ଟକୁ ନେଇ କାଫିଙ୍କ ସମେତ ତାଙ୍କ ପରିବାର ବେଶ୍ ଖୁସି ଅଛନ୍ତି। ଏହାର ଶ୍ରେୟ କାଫି ତାଙ୍କ ସ୍କୁଲ ଶିକ୍ଷକ ଏବଂ ଅଭିଭାବକଙ୍କୁ ଦେଇଛନ୍ତି। କାଫି(୧୬) ଙ୍କୁ ଯେତେେବେଳ ୩ ବର୍ଷ ହୋଇଥିଲା, ସେ ସମୟରେ ଜଣେ ପଡ଼ୋଶୀ ତାଙ୍କ ଉପରକୁ ଏସିଡ୍ ମାଡ଼ କରିଥିଲେ। ଫଳରେ ତାଙ୍କ ମୁହିଁଟି ସମ୍ପୂର୍ଣ୍ଣ ଜଳିଯାଇଥିଲା। ଆକ୍ରମଣ ପରେ ୬ ବର୍ଷ ତାଙ୍କୁ ହସ୍ପିଟାଲରେ ଚିକିତ୍ସିତ ହେବାକୁ ପଡ଼ିଥିଲା। ପିଲାବେଳୁ ପାଠପଢ଼ାରେ ତାଙ୍କ ଖୁବ୍ ଆଗ୍ରହ ଥିଲା। ଦୃଷ୍ଟିଶକ୍ତି ହରାଇବା ପରେ ବର୍ଲି ସ୍କ୍ରିପ୍ଟ ଜରିଆରେ ସେ ପାଠପଢ଼ା ଆରମ୍ଭ କଲେ। ଭବିଷ୍ୟତରେ କାଫି ଜଣେ ଆଇପିଏସ୍ ହେବାକୁ ଲକ୍ଷ୍ୟ ରଖିଛନ୍ତି। ପାଠ ପଢ଼ା କ୍ଷେତ୍ରରେ ସେ ଯାହା କରିବାକୁ ଚାହିଁବେ ସେ ନେଇ କାଫିଙ୍କୁ ସମ୍ପୂର୍ଣ୍ଣ ସହଯୋଗ କରାଯିବ ବୋଲି ବାପା ପଓ୍ବନ କହିଛନ୍ତି। ପଓ୍ବନ ହରିୟାଣା ସଚିବାଳୟରେ ପିଅନ ଭାବେ କାର୍ଯ୍ୟ କରନ୍ତି।
