ସିବିଏସ୍ଇ ଟର୍ମ-୧ ବୋର୍ଡ ପରୀକ୍ଷା ନଭେମ୍ବରରେ, ଅକ୍ଟୋବର ଦ୍ୱିତୀୟାର୍ଦ୍ଧରେ ଟାଇମ୍ ଟେବୁଲ ଘୋଷଣା …
01 ନୂଆଦିଲ୍ଲୀ,୧୯।୯: ଦୁଇ ଭାଗରେ ଅନୁଷ୍ଠିତ ହେବାକୁ ଥିବା ସିବିଏସଇ ବୋର୍ଡ ପରୀକ୍ଷାର ପ୍ରଥମ ପର୍ଯ୍ୟାୟ ନଭେମ୍ବର ମଧ୍ୟଭାଗରୁ ଆରମ୍ଭ ହେବ। ଅକ୍ଟୋବର ମଧ୍ୟଭାଗ ସୁଦ୍ଧା ଦଶମ ଏବଂ ଦ୍ୱାଦଶ ପରୀକ୍ଷା ପାଇଁ ତାରିଖ ଘୋଷଣା କରାଯିବ। ସିବିଏସଇ ଅଧିକାରୀଙ୍କ ଅନୁଯାୟୀ, ୯୦ ମିନିଟର ଟର୍ମ-୧ ପରୀକ୍ଷା ମଲ୍ଟିପଲ ଚଏସ ଅପ୍ଟିକାଲ ମାର୍କ ସ୍ବୀକୃତି (ଏମ୍ସିକ୍ୟୁ-ଓଏମ୍ଆର୍) ପ୍ରଶ୍ନପତ୍ର ସହିତ କରାଯିବ। ପ୍ରଥମ ଟର୍ମ ପରୀକ୍ଷାରେ ଅନଲାଇନ ପରୀକ୍ଷଣର ବିକଳ୍ପ ଉପଲବ୍ଧ ହେବ ନାହିଁ।
ସିବିଏସ୍ଇ ପକ୍ଷରୁ ପୂର୍ବରୁ ଟର୍ମ-୧ ଏବଂ ଟର୍ମ-୨ ଦୁଇଟି ଭାଗରେ ପରୀକ୍ଷା କରିବାକୁ ନିଷ୍ପତ୍ତି ନେଇଥିଲା। ବୋର୍ଡ ଅନୁଯାୟୀ, ଉଭୟ ଟର୍ମରେ ତାଙ୍କର ପ୍ରଦର୍ଶନ ଆଧାରରେଅନ୍ତିମ ସ୍କୋର ସ୍ଥିର କରାଯିବ। ନୂତନ ସ୍କିମ ଅନୁସାରେ ଟର୍ମ-୧ ରେ ଅବଜେକ୍ଟିଭ ପ୍ରଶ୍ନ ରହିବ। ସେହିପରି ଟର୍ମ-୨ରେ ସବଜେକ୍ଟିଭ ହେବ ଏବଂ ପ୍ରାକ୍ଟିକାଲ ମଧ୍ୟ ରହିବ ବୋଲି ବୋର୍ଡର ପରୀକ୍ଷା ନିୟନ୍ତ୍ରକ ସୟମ୍ ଭରଦ୍ୱାଜ କହିଛନ୍ତି ।
ସାଧାରଣତଃ ଟର୍ମ-୧ ପରୀକ୍ଷା ଅକ୍ଟୋବରରୁ ନଭେମ୍ବର ମଧ୍ୟରେ ଏବଂ ଟର୍ମ-୧ ପରୀକ୍ଷା ଫେବୃଆରୀ ଏବଂ ମାର୍ଚ୍ଚ ମଧ୍ୟରେ ହୋଇଥାଏ। କରୋନା ମହାମାରୀ ହେତୁ ମାର୍ଚ୍ଚ ଏବଂ ଏପ୍ରିଲରେ ଟର୍ମ-୨ ପରୀକ୍ଷା ଅନୁଷ୍ଠିତ ହେବ। ଟର୍ମ-୧ ପରୀକ୍ଷା ପରେ ସିବିଏସଇ ଅନ୍ତିମ ଫଳାଫଳ ପ୍ରକାଶ କରିବ। ତେବେ ଟର୍ମ-୧ ପରୀକ୍ଷାର ମାର୍କ ସିଟ ମଧ୍ୟ ଛାତ୍ରମାନଙ୍କ ପାଇଁ ଉପଲବ୍ଧ ହେବ ବୋଲି ସେ କହିଛନ୍ତି।