ଚିତ୍ରଡ଼ା,୧୫ା୮(ଡି.ଏନ୍.ଏ.): ମୟୂରଭଞ୍ଜ ଜିଲା ମୋରଡ଼ା ବ୍ଲକ ଅଧୀନ ଚିତ୍ରଡ଼ା ପଞ୍ଚାୟତରେ ଯାଇଥିବା ରାଜ୍ୟ ରାଜପଥ ପାଶର୍ବରେ ମୋରଡ଼ା ନିର୍ବାଚନ ମଣ୍ଡଳୀର ପୂର୍ବତନ କଂଗ୍ରେସ ବିଧାୟକ ପ୍ରାର୍ଥୀ ପ୍ରଭାସ କର ମହାପାତ୍ର ୭୪ତମ ସ୍ବାଧୀନତା ଦିବସ ଅବସରରେ ବୃକ୍ଷରୋପଣ ଏବଂ ପରିବେଶ ପ୍ରଦୂଷଣକୁ ଗୁରୁତ୍ୱ ଦେଇ ଶନିବାର ୧୫ ପ୍ରକାରର ଚାରାରୋପଣ କରିଛନ୍ତି। ଏତଦ୍ବ୍ୟତୀତ କିଷାନତାଣ୍ଡି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଥିବା ସମସ୍ତ ରୋଗୀ ଏବଂ ବହିର୍ବିଭାଗକୁ ନିଜର ସ୍ବାସ୍ଥ୍ୟ ଦେଖାଇବାକୁ ଆସୁଥିବା ଲୋକଙ୍କୁ ଫଳ, ବିସ୍କୁଟ ଇତ୍ୟାଦି ପ୍ରଦାନ କରିବା ସହ ମାସ୍କ ମଧ୍ୟ ବଣ୍ଟନ କରିଥିଲେ। ଏହି ବୃକ୍ଷରୋପଣ କାର୍ଯ୍ୟକ୍ରମରେ ବ୍ଲକ ଯୁବ କଂଗ୍ରେସ ସଭାପତି ଶଶଧର ବେହେରା, ମୋରଡ଼ା ନିର୍ବାଚନ ମଣ୍ଡଳୀର ପୂର୍ବତନ ଛାତ୍ର କଂଗ୍ରେସ ସଭାପତି ଶୁଭ ମହାନ୍ତ, ସଂଜୀବ ସେଠୀ, ଜଗନ୍ନାଥ ରାଇବାବୁ , ଓ୍ବାର୍ଡମେମ୍ବର ଦେବେନ୍ଦ୍ର ନାଥ ରାଇବାବୁ ଏବଂ ମହିଳା କଂଗ୍ରେସ ମୋର୍ଚ୍ଚାର ମହିଳାମାନେ ଉପସ୍ଥିତ ରହି କାର୍ଯ୍ୟକ୍ରମକୁ ସମ୍ପାଦନ କରିଥିଲେ।