ନୂଆଦିଲ୍ଲୀ,୩୦।୬: କେନ୍ଦ୍ର ସରକାରଙ୍କର ପ୍ରତ୍ୟେକ ନିର୍ଦ୍ଦେଶାବଳୀକୁ ପାଳନ କରିବା ଉଦ୍ଦେଶ୍ୟରେ ବୁଧବାର ଇଲେକ୍ଟ୍ରୋନିକ୍ସ ଏବଂ ଆଇଟି ମନ୍ତ୍ରଣାଳୟ ପକ୍ଷରୁ ଟୁଇଟରକୁ ଫାଇନାଲ ନୋଟିସ୍ ଜାରି କରାଯାଇଛି। ଏନେଇ ଟୁଇଟରକୁ ଜୁଲାଇ ୪ ପର୍ଯ୍ୟନ୍ତ ସମୟ ଦିଆଯାଇଛି। ନିୟମ ପାଳନ ନ କଲେ ଟୁଇଟର କେନ୍ଦ୍ର ସରକାରଙ୍କ ମଧ୍ୟସ୍ଥତାକୁ ହରାଇ ବସିବ, ଯାହାଫଳରେ ଏହି ସୋସିଆଲ ମିଡିଆ ପ୍ଲାଟଫର୍ମରେ କରାଯାଉଥିବା ପ୍ରତ୍ୟେକ ପୋଷ୍ଟ ପାଇଁ ନିଜେ ଟୁଇଟର ଉତ୍ତରଦାୟୀ ହେବ।
ସରକାରଙ୍କ ଦ୍ୱାରା ନିର୍ଦ୍ଧାରିତ ସମସ୍ତ ନିୟମ ପାଳନ କରିବା ଲାଗି କେନ୍ଦ୍ର ସରକାରଙ୍କ ପକ୍ଷରୁ ଗତ ୨୭ରେ ନୋଟିସ୍ ଜାରି କରାଯାଇଥିଲା। ଏ ସଂକ୍ରାନ୍ତରେ ନିକଟାରେ ପ୍ରେସ୍ ଟ୍ରଷ୍ଟ ପକ୍ଷରୁ ଟୁଇଟରକୁ ଇମେଲ୍ କରାଯାଇଥିଲେ ସୁଦ୍ଧା ଏ ନେଇ କୌଣସି ଉତ୍ତର ଦେଇ ନଥିଲା ଟୁଇଟର। ସରକାରଙ୍କ ନିର୍ଦ୍ଦେଶକ୍ରମେ ଗତବର୍ଷ ସରକାର ବିରୋଧୀ, ଆଇନ୍ ବିରୋଧୀ ଏବଂ କୃଷି ଆନ୍ଦୋଳନକୁ ସମର୍ଥନ କରୁଥିବା ପାଖାପାଖି ୮୦ଟି ମାଇକ୍ରୋବ୍ଲଗିଙ୍ଗ୍ ଟୁଇଟର ଆକାଉଣ୍ଟକୁ ଟୁଇଟର ବ୍ଲକ୍ କରିଥିଲା।