ନୂଆଦିଲ୍ଲୀ,୨୩।୨: ବ୍ୟାଙ୍କ ଚାକିରି ଆଶାୟୀଙ୍କ ପାଇଁ ସୁବର୍ଣ୍ଣ ସୁଯୋଗ । ସେଣ୍ଟ୍ରାଲ ବ୍ୟାଙ୍କ ଅଫ ଇଣ୍ଡିଆରେ ବାହାରିଛି ନିଯୁକ୍ତି। ବ୍ୟାଙ୍କରେ ଖାଲି ପଡ଼ିଛି ୩ ହଜାର ଆପ୍ରେଣ୍ଟିସ ପଦବୀ।
କହିରଖୁଛୁ କି, ଏଇ ମାସ ଅର୍ଥାତ୍ ଫେବ୍ରୁଆରୀ ୨୧ରେ ଏହି ନିଯୁକ୍ତି ପାଇଁ ବିଜ୍ଞପ୍ତି ଜାରି ହୋଇଛି। ମାର୍ଚ୍ଚ ୬ ପର୍ଯ୍ୟନ୍ତ ଆଶାୟୀମାନେ ଏଥିପାଇଁ ଆବେଦନ କରି ପାରିବେ । ଆସନ୍ତା ମାର୍ଚ୍ଚ ୧୦ରେ ଏହି ପରୀକ୍ଷା ହେବ । ଏହାପରେ ମାର୍ଚ୍ଚ ୩୧ରେ ଏହି ପରୀକ୍ଷାର ଫଳାଫଳ ପ୍ରକାଶ ପାଇବ ।
ସେଣ୍ଟ୍ରାଲ ବ୍ୟାଙ୍କ୍ର ଅଫିସିଆଲ ୱେବ୍ସାଇଟ୍ଇଟ nats.education.gov.in. କୁ ଭିଜିଟ୍ କରି ଇଚ୍ଛୁକ ପ୍ରାର୍ଥୀମାନେ ଆବେଦନ କରିପାରିବେ । ଆପ୍ଲାଏ କରିବା ପରେ ପ୍ରଥମେ ଅନଲାଇନରେ ଲିଖିତ ପରୀକ୍ଷା ଦେବାକୁ ହେବ । ଲିଖିତ ପରେ ଗଣିତ, ଇଂରାଜୀ, ରିଜନିଂ, କମ୍ପ୍ୟୁଟର, ରିଟେଲ ପ୍ରଡକ୍ଟ, ବୀମା ପ୍ରଡକ୍ଟ ଆଦି ବିଷୟରେ ପ୍ରଶ୍ନର ଉତ୍ତର ଦେବାକୁ ହେବ । ଏହି ଚାକିରି ପାଇଁ ପ୍ରାର୍ଥୀ ପୂର୍ବରୁ ସେଣ୍ଟ୍ରାଲ ବ୍ୟାଙ୍କ ଅଫ ଇଣ୍ଡିଆ ଆପ୍ରେଣ୍ଟିସ ପଦବୀ ପାଇଁ ତାଲିମ ନେଇ ନ ଥିବା ଆବଶ୍ୟକ । ଯଦି କୌଣସି ବ୍ୟକ୍ତି ସେଣ୍ଟ୍ରାଲ ବ୍ୟାଙ୍କ ଅଫ ଇଣ୍ଡିଆରେ ଆପ୍ରେଣ୍ଟିସ କରି ସାରିଥିବେ, ସେମାନେ ଅଯୋଗ୍ୟ ବିବେଚିତ ହେବେ । ଆବେଦନ କରୁଥିବା ବ୍ୟକ୍ତିଙ୍କ ବୟସ ୨୦ରୁ ୨୮ ବର୍ଷ ମଧ୍ୟରେ ହୋଇଥିବା ଆବଶ୍ୟକ । ତେବେ ଅନୁସୂଚିତ ଜନଜାତି, ଜନଜାତି, ପଛୁଆ ବର୍ଗ, ଓ ଭିନ୍ନକ୍ଷମଙ୍କ ପାଇଁ ବୟସସୀମା କୋହଳ କରାଯାଇଛି । ସେଣ୍ଟ୍ରାଲ ବ୍ୟାଙ୍କ୍ ଆପ୍ରେଣ୍ଟିସ ପାଇଥିବା ଯୁବକ ବା ଯୁବତୀଙ୍କୁ ମାସିକ ୧୫ ହଜାର ଟଙ୍କା ଦରମା ଆକାରରେ ଦିଆଯିବ । ଏହା ଅର୍ବାନ, ମେଟ୍ରୋ ଓ ସେମି ଅର୍ବାନ ବ୍ରାଞ୍ଚ ପାଇଁ ଉଦ୍ଦିଷ୍ଟ ।
