ନୂଆଦିଲ୍ଲୀ,୧୩।୧୧ : ଆତଙ୍କବାଦ ବିରୋଧରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାର ଜିରୋ ଟୋଲେରାନ୍ସ ନୀତି ଆପଣେଇଛନ୍ତି। ଏହି ବିପଦ ବିରୋଧରେ ଲଢ଼େଇ ନେଇ ଭାରତ ସରକାର ଅନ୍ତର୍ଜାତୀୟ ସମୁଦାୟକୁ ନିଜର ସଂକଳ୍ପ ସମ୍ପର୍କରେ ଜଣାଇବେ।
କେନ୍ଦ୍ର ସ୍ବରାଷ୍ଟ୍ର ମନ୍ତ୍ରଣାଳୟ କହିଛି ଯେ ନଭେମ୍ବର ୧୮ ଏବଂ ୧୯ ରେ ନୂଆଦିଲ୍ଲୀରେ ଭାରତ ନୋ ମନି ଫର ଟେରୋରିଜିମ ଶୀର୍ଷକ ମନ୍ତ୍ରୀସ୍ତରୀୟ ସମ୍ମିଳନୀ ଆୟୋଜନ କରିବ। ଏଥିରେ ୭୫ ଟି ଦେଶ ଏବଂ ଅନ୍ତର୍ଜାତୀୟ ସଂସ୍ଥାର ପ୍ରତିନିଧୀମାନେ ଅଂଶଗ୍ରହଣ କରିବେ।
ସ୍ବରାଷ୍ଠ୍ର ମନ୍ତ୍ରଣାଳୟ ଏକ ବିବୃତ୍ତିରେ କହିଛି ଯେ ଏହି ସମ୍ମିଳନୀ ଆୟୋଜନ କରିବା ଦ୍ୱାରା ମୋଦି ସରକାର ଅନ୍ତର୍ଜାତୀୟ ଆତଙ୍କବାଦ ପ୍ରତି ଗୁରୁତ୍ୱ ଦେଉଛନ୍ତି ଏବଂ ଏହି ବିପଦ ବିରୋଧରେ ଜିରୋ ଟୋଲେରାନ୍ସ ନୀତି ଏବଂ ଅନ୍ତର୍ଜାତୀୟ ସମ୍ପ୍ରଦାୟରେ ଏହା ଉପରେ ଆଲୋଚନା ଏହି ସମ୍ମିଳନୀରେ କରାଯିବ। ଏହି ସମ୍ମିଳନୀରେ କେନ୍ଦ୍ର ସ୍ବରାଷ୍ଟ୍ରମନ୍ତ୍ରୀ ଅମିତ ଶାହା ଅଂଶଗ୍ରହଣ କରିବେ।