ନୂଆଦିଲ୍ଲୀ,୧୧।୧୦: କେନ୍ଦ୍ରର ଭାଜପା ସରକାରଙ୍କୁ କଂଗ୍ରେସ ପକ୍ଷରୁ ଟାର୍ଗେଟ୍ କରାଯାଇଛି। କଂଗ୍ରେସ ଏକ ଗଣମାଧ୍ୟମ ସମ୍ମିଳନୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାର ଅର୍ଥନୈତିକ ଅପରାଧରେ ଜଡିତ ଲୋକଙ୍କୁ ଦେଶରୁ ବାହାର କରି ସେମାନଙ୍କୁ ସମର୍ଥନ କରୁଥିବା ଅଭିଯୋଗ କରିଛି। ପଳାତକଙ୍କୁ କେନ୍ଦ୍ର ସରକାର ସୁରକ୍ଷା ଦେଉଛନ୍ତି ବୋଲି କଂଗ୍ରେସ ମୁଖପାତ୍ର ଗୌରବ ବଲ୍ଲଭ ଅଭିଯୋଗ କରିଛନ୍ତି।
ଋଣ ନେଇ ଠକିଥିବା ଅପରାଧୀଙ୍କଠାରୁ ଟଙ୍କା ଫେରସ୍ତ ଆଣିବା ପରିବର୍ତ୍ତେ ଭାଜପା ସରକାର ସେମାନଙ୍କୁ ଦେଶରୁ ବାହାରକୁ ପଳାଇବାରେ ସହାୟତା କରୁଥିବା ଗୌରବ କହିଛନ୍ତି।
ପଳାତକମାନେ ବାହାର ଦେଶରେ ରହି ନିଜ କମ୍ପାନୀରେ ପ୍ରସ୍ତୁତ ସାମଗ୍ରୀ ଦେଶକୁ ପଠାନ୍ତି ଏବଂ ଏସବୁକୁ କେନ୍ଦ୍ର ସରକାର ସେମାନଙ୍କଠାରୁ କିଣୁଛନ୍ତି ବୋଲି ସେ କହିଛନ୍ତି।
ସାଣ୍ଡେସରା ଗ୍ରୁପର ନୀରବ ମୋଦୀ, ମେହୁଲ ଚୋକସି, ବିଜୟ ମାଲ୍ୟାଙ୍କ ଉପରେ ଇଡି କାର୍ଯ୍ୟ ଆରମ୍ଭ ହେବା ମାତ୍ରେ ସେମାନେ ଆରାମ୍ରେ ଦେଶ ଛାଡି ଚାଲିଯାଇଛନ୍ତି। ସେମାନଙ୍କ ଉପରେ କୌଣସି ପ୍ରତିବନ୍ଧକ ଲଗାଯାଇ ନାହିଁ। ସେମାନଙ୍କ ପ୍ରତ୍ୟାର୍ପଣ କ୍ଷେତ୍ରରେ ମଧ୍ୟ କେନ୍ଦ୍ର ସରକାର ଅସଫଳ ରହିଛନ୍ତି। ସରକାରଙ୍କ ଆବେଦନକୁ ଇଣ୍ଟରପୋଲ ଖାରଜ କରି ଦେଇଛନ୍ତି। ସରକାର ଏହା ଉପରେ ଏବେ ନୀରବ ରହିଛନ୍ତି।
