ଶିଲଂ,୧୩।୪ : ବେଆଇନ ଖଣି ଖନନ ଏବଂ କୋଇଲା ପରିବହନକୁ ନେଇ ମେଘାଳୟ ହାଇକୋର୍ଟ ଚିନ୍ତା ପ୍ରକଟ କରିଛନ୍ତି। ବେଆଇନ ଖଣି ଖନନ ଏବଂ କୋଇଲା ପରିବହନ ଉପରେ କଟକଣା ଲଗାଇବା ପାଇଁ ସ୍ବରାଷ୍ଟ୍ର ମନ୍ତ୍ରଣାଳୟ କେନ୍ଦ୍ରୀୟ ଶିଳ୍ପ ସୁରକ୍ଷା ବଳ (ସିଆଇଏସଏଫ)ର ୧୦ କମ୍ପାନୀ ମୁତୟନ କରିବାକୁ ମେଘାଳୟ ହାଇକୋର୍ଟ କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦେଇଛନ୍ତି।
ମୁଖ୍ୟ ବିଚାରପତି ସଞ୍ଜିବ ବାନାର୍ଜୀଙ୍କ ନେତୃତ୍ୱରେ ହାଇକୋର୍ଟର ଏକ ବେଞ୍ଚ ଏହି ଜନସ୍ବ।ର୍ଥ ମାମଲାର ଶୁଣାଣି ବେଳେ ଏହା କହିଛନ୍ତି।
ଏହି ପ୍ରସଙ୍ଗରେ ସ୍ବରାଷ୍ଟ୍ର ମନ୍ତ୍ରଣାଳୟର ପ୍ରତିକ୍ରିୟା ମଧ୍ୟ ସଚିବଙ୍କ ମାଧ୍ୟମରେ ଉପଲବ୍ଧ କରାଯିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି।
ଭାରତର ଡେପୁଟି ସୋଲିସିଟର ଜେନେରାଲ ଡକ୍ଟର ମୋଜିକା କୋର୍ଟଙ୍କୁ କହିଛନ୍ତି ରାଜ୍ୟରେ ବେଆଇନ କୋଇଲା ପରିବହନ ଯାଞ୍ଚ ପାଇଁ ସିଆଇଏସଏଫ କମ୍ପାନୀ ନିୟୋଜନ କରିବାକୁ ପ୍ରସ୍ତୁତ ନୁହେଁ। ଏଥିପାଇଁ କୋର୍ଟ କହିଛନ୍ତି ଯେ ଏଥିରେ କୌଣସି ସନ୍ଦେହ ନାହିଁ ଯେ ଉଭୟ ବେଆଇନ ଖଣି ଏବଂ କୋଇଲା ପରିବହନ ଚାଲିଛି। ଯଦି ରାଜ୍ୟରେ ଆଇନର ନିୟମ ପ୍ରତିଷ୍ଠା କରିବାକୁ ପଡିବ, ତେବେ ଏହା କେବଳ ସିଆଇଏସଏଫ କମ୍ପାନୀଗୁଡିକ ଦ୍ୱାରା କରାଯାଇପାରିବ। କୋର୍ଟ କହିଛନ୍ତି ସିଆଇଏସଏଫ ସମ୍ପୂର୍ଣ୍ଣ ଭାବେ ମନା କରିଦେଇଛି। ତଥାପି ସେମାନଙ୍କୁ ଶୀଘ୍ର ୧୦ କମ୍ପାନୀ ଯବାନ ନିୟୋଜିତ କରିବାକୁ ନିର୍ଦ୍ଦେଶ ଦିଆଯାଇଛି। ଏହି ମାମଲାର ପରବର୍ତ୍ତୀ ଶୁଣାଣି ଏପ୍ରିଲ ୨୭ ରେ ହେବ।