![](https://www.dharitri.com/wp-content/uploads/2024/07/dht-thumb-17.png)
ନୂଆଦିଲ୍ଲୀ, ୨୬।୦୭: ବରିଷ୍ଠ ଜନତା ଦଳ ୟୁନାଇଟେଡ (ଜେଡିୟୁ) ନେତା ତଥା କେନ୍ଦ୍ର ମନ୍ତ୍ରୀ ରାଜୀବ ରଂଜନ (ଲଲନ ସିଂ) ଶୁକ୍ରବାର ଦିନ କଂଗ୍ରେସକୁ ଟାର୍ଗେଟ୍ କରିଛନ୍ତି । ଲୋକସଭାରେ ଭାଷଣ ଦେଇ ଲଲନ ସିଂ କହିଛନ୍ତି ଯେ ଭାରତୀୟ ଜନତା ପାର୍ଟି (ଭାଜପା) ସହିତ ତାଙ୍କ ଦଳ ନିର୍ବାଚନ ପୂର୍ବରୁ ମେଣ୍ଟ କରିଛି ଯାହାକି ଫେଭିକୋଲ ଅଠା ଭଳି ଯୋଡ଼ି ହୋଇରହିଛି ।
ଏହା ସହିତ ଲଲନ ସିଂ ଲୋକସଭା ର୍ନିବାଚନ ଫଳାଫଳରେ କଂଗ୍ରେସର ୯୯ଟି ଆସନକୁ ନେଇ ଟିପ୍ପଣୀ କରିଛନ୍ତି । ସାପ-ସିଡ଼ି ଖେଳକୁ ନେଇ ସେ କହିଛନ୍ତି ଯେ ଏହି ଖେଳରେ ସାପ ୯୯ରେ ପହଞ୍ଚିବା ମାତ୍ରେ କାମୁଡ଼େ ଏବଂ ପରେ ଖେଳାଳିମାନେ ସିଧାସଳଖ ଶୂନରେ ପହଞ୍ଚନ୍ତି। ବର୍ତ୍ତମାନ ଏହା ପ୍ରଥମ ବର୍ଷ । ଆଗକୁ ୫ ବର୍ଷ ବାକି ଅଛି ।