ରାଜକୋଟ,୯।୧: ଶ୍ରୀଲଙ୍କା ବିପକ୍ଷ ସିରିଜ ଟି-୨୦ ସିରିଜ୍ ଜିତିବାରେ ସୁର୍ଯ୍ୟକୁମାର ଯାଦବ ଭାରତକୁ ସାହାଯ୍ୟ କରିଥିଲେ। ରାଜକୋଟରେ ତୃତୀୟ ତଥା ଅନ୍ତିମ ଅନ୍ତର୍ଜାତୀୟ ଟି-୨୦ରେ ସେ ମାତ୍ର ୪୫ ବଲରେ ଏକ ଚମତ୍କାର ଶତକ ହାସଲ କରିଥିଲେ।
ମ୍ୟାଚ ପରେ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଭିଡିଓରେ ସୂର୍ଯ୍ୟକୁମାର ଯାଦବ କମେଣ୍ଟେଟର ହର୍ଷ ଭୋଗଲେଙ୍କ କଥା ହେଉଥିବା ଦେଖାଯାଇଥିଲା। ହର୍ଷଙ୍କ ସହ କଥା ହେବା ପରେ ୟୁଜବେନ୍ଦ୍ର ଚହଲ ସୂର୍ଯ୍ୟକୁମାର ଯାଦବଙ୍କ ନିକଟକୁ ଆସି ତାଙ୍କ ହାତକୁ ଚୁମ୍ବନ ଦେଇଥିଲେ। ଏହି ସମୟର ଭିଡିଓ ଭାଇରାଲ ହେବାରେ ଲାଗିଛି। ପ୍ରଶଂସକମାନେ ମଧ୍ୟ ଏହାକୁ ପସନ୍ଦ କରୁଛନ୍ତି।
ରାଜକୋଟରେ ଶ୍ରୀଲଙ୍କା ବିପକ୍ଷରେ ସୂର୍ଯ୍ୟକୁମାର ନିଜର ଭୟଙ୍କର ରୂପ ଦେଖାଇଥିଲେ। ସେ ୨୫ ବଲରେ ନିଜର ଅର୍ଦ୍ଧଶତକ ପୂରଣ କରିଥିଲେ। ଏହା ପରେ ସେ ପରବର୍ତ୍ତୀ ୧୯ ବଲରେ ନିଜର ଶତକ ପୂରଣ କରିଥିଲେ।