ଦୁବାଇ, ୨୧।୧୦- ଇଣ୍ଡିଆନ ପ୍ରିମିୟର ଲିଗ୍(ଆଇପିଏଲ)ରେ ଅଂଶଗ୍ରହଣ କରୁଥିବା ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆରସିବି) ଦଳର ଅନ୍ୟତମ ପ୍ରମୁଖ ଖେଳାଳି ହେଲେ ସ୍ପିନର ୟୁଜବେନ୍ଦ୍ର ଚହଲ। ଆଇପିଏଲରେ ଚହଲଙ୍କୁ ଉତ୍ସାହିତ କରିବା ପାଇଁ ୟୁନାଇଟେଡ ଆରବ ଏମିରେଟ୍ସ (ୟୁଏଇ)ରେ ପହଞ୍ଚତ୍ଛନ୍ତି ତାଙ୍କ ଭାବିପତ୍ନୀ ଧନଶ୍ରୀ ବର୍ମା। ଚଳିତ ବର୍ଷର ଆଇପିଏଲ ୟୁଏଇର ଉଷ୍ମ ଓ ଆର୍ଦ୍ର ପରିବେଶରେ ଖେଳାଯାଉଛି। ପ୍ରତିଯୋଗିତା କ୍ରମେ ରୋମାଞ୍ଚକ ସ୍ଥିତିରେ ପହଞ୍ଚତ୍ଥିବାରୁ ବିଭିନ୍ନ ଦଳର ରଣନୀତି ବଦଳୁଛି। ସେହି ଅନୁସାରେ ଖେଳାଳିମାନଙ୍କ ଉପରେ ପ୍ରଦର୍ଶନର ଚାପ ବଢ଼ୁଛି। ଚହଲ ଏପର୍ଯ୍ୟନ୍ତ ଆରସିବି ପାଇଁ ଭଲ ପ୍ରଦର୍ଶନ କରି ଆସିଛନ୍ତି। ତେବେ ତାଙ୍କୁ ଉତ୍ସାହିତ କରିବା ପାଇଁ ଧନଶ୍ରୀ ୟୁଏଇରେ ପହଞ୍ଚତ୍ଥିବାରୁ ସେ ମଧ୍ୟ ନିଜ ବ୍ୟସ୍ତବହୁଳ କାର୍ଯ୍ୟସୂଚୀରୁ କିଛି ସମୟ କାଢ଼ିବାକୁ ଭୁଲି ନାହାନ୍ତି। ବ୍ୟାକ୍ଗ୍ରାଉଣ୍ଡରେ ସମୁଦ୍ର ଥାଇ ଦୁବାଇ ବିଚ୍ରେ ଧନଶ୍ରୀଙ୍କ ସହିତ ନିଜର ଏକ ଅନ୍ତରଙ୍ଗ ମୁହୂତ୍ତର ଫଟୋ ମଙ୍ଗଳବାର ଇନ୍ଷ୍ଟାଗ୍ରାମରେ ଶେୟାର କରିଛନ୍ତି ଚହଲ। ଏହାର କ୍ୟାପ୍ଶନରେ ସେ ଲେଖିଛନ୍ତି ‘ପ୍ରକୃଷ୍ଟ ସାନ୍ଧ୍ୟକାଳୀନ ମୁହୂର୍ତ୍ତ’। ଧନଶ୍ରୀଙ୍କ ସହ ଚହଲଙ୍କର ନିର୍ବନ୍ଧ ସରିଛି। ଆରସିବିର ଗତ ରାଜସ୍ଥାନ ରୟାଲ୍ସ ବିପକ୍ଷ ମ୍ୟାଚରେ ସେ ୟୁଏଇରେ ପହଞ୍ଚତ୍ଥିଲେ। ତାଙ୍କୁ ଷ୍ଟାଡିୟମରେ ମଧ୍ୟ ଦେଖିବାକୁ ମିଳିଥିଲା। ଏହି ମ୍ୟାଚରେ ଆରସିବି ବିଜୟୀ ହୋଇଥିଲା। ଧନଶ୍ରୀ ଷ୍ଟାଡିୟମରୁ ଆରସିବି ଅଧିନାୟକ ବିରାଟ କୋହଲିଙ୍କ ସ୍ତ୍ରୀ ଅନୁସ୍କା ଶର୍ମାଙ୍କ ସହ ଫଟୋ ମଧ୍ୟ ଶେୟାର କରିଥିଲେ। ପ୍ରକାଶ ଯୋଗ୍ୟ ଯେ, ଆଇପିଏଲ ଅବସରରେ ଅନୁସ୍କାଙ୍କ ସହ କୋହଲି ମଧ୍ୟ କିଛି ସମୟ ବିତାଇଛନ୍ତି। ପୁଲ୍ରେ କୋହଲି ଓ ଅନୁସ୍କାଙ୍କ ଅନ୍ତରଙ୍ଗ ମୁହୂର୍ତ୍ତର ଫଟୋ ନିକଟରେ ଭାଇରାଲ ହୋଇଥିଲା ଏହି ଫଟୋ କୋହଙ୍କୁ ବନ୍ଧୁ ତଥା ଆରସିବି ଟିମ୍ମେଟ୍ ଏବି ଡି’ଭିଲର୍ସ ଉଠାଇଥିଲେ। କୋହଲିଙ୍କ ଦଳ ଚଳିତ ଆଇପିଏଲରେ ଏପର୍ଯ୍ୟନ୍ତ ଭଲ ପ୍ରଦର୍ଶନ କରି ଆସିଛି। ୯ ମ୍ୟାଚରୁ ଦଳ ୬ ବିଜୟ ସହ ୧୨ ପଏଣ୍ଟ ପାଇଛି। ଆରସିବି ଏହାର ପରବର୍ତ୍ତୀ ମ୍ୟାଚରେ ବୁଧବାର କୋଲକାତା ନାଇଟ ରାଇଡର୍ସକୁ ଭେଟିବାକୁ ଯାଉଛି।
